شيعر
دويەکە

دويەکە


دويەکە يەکێ دیم لە وێنەد خەنی

بێستوين دڵ لە جاگەێ کەنی

دەنگ ئەو خەنێە چەپاو کرد گیانم

لافاو ئەسرەیلم تەڕ کرد چەوانم

سزرگە بردەم بەن بەن داڕزیام

جور سەونزە دارێ وە پاوە ڕزیام

خەێاڵم دا دەس چەپ واێ خەزانەو

بڵوزەێ ئاگر نا وەێ خەرمانەو

بڵاچەێ هويرد خسە ناو گیانم

کردە پەتەسوو گشتێ سقانم

لە شووند گەردیم وە دەور خوەمەو

وێنەێ پەروانە وە دەور شەمەو

ڕوومەڵ خەزانێ خسە ناو گیانم

چمان زڵزڵە کەفتە میلکانم

هناێ نووڕسم لە وێنەد خەنی

نێە زانی دڵم ساز خەم ژەنی

ئەو دەنگ خەنێە وەختێ شنەفتم

جوور دار پويتار وە لاوە کەفتم

ئەۊ ڕا خوەێ خەنی م ڕا خوەم مردم

تەرم دڵ تا ناو قەورسان بردم

جەلال کووهی