هــــه‌واڵ عــیراق
رافده‌ين وشدارێ ئه‌ياده‌ كارمه‌نده‌يل ده‌وڵه‌ت و خانه‌نشينه‌يل

رافده‌ين وشدارێ ئه‌ياده‌ كارمه‌نده‌يل ده‌وڵه‌ت و خانه‌نشينه‌يل


شه‌فه‌ق نيوز/ بانك رافده‌ين، وشدارێ دا كارمه‌نده‌يل ده‌وڵه‌ت و خانه‌نشينه‌يل له‌باره‌ى مامڵه‌كردن وه‌ل بڕيگ له‌ كۆمپانياو شوونه‌يل كارت ئه‌لكترۆنى له‌وانه‌گ فه‌ن وفێل له‌ هاووڵاتيه‌يل ئه‌كه‌ن وه‌ ئه‌وه‌گ سلفه‌ ئه‌رايان وه‌رئه‌گرن وه‌ هاوكارى وه‌ل بانكه‌گه‌.

 

له‌ى باوه‌ته‌و، نويسينگه‌ى بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: بڕيگ كۆمپانياو كۆمه‌ڵه‌يل ئستهلاكى و نويسينگه‌يل كارت ئه‌لكترۆنى له‌ به‌غداو پاريزگايه‌يل هه‌ن كارمه‌نده‌يل و خانه‌نشينه‌يل ئه‌خه‌ڵتنن ئه‌را ئه‌وه‌گ باوه‌ڕ وه‌پيان بارن له‌باره‌ى وه‌رگرتن سلفه‌ ئه‌رايان وه‌انوه‌ر وه‌رگرتن بڕيگ پويل له‌ليان.

 

بانكه‌گه‌ باس له‌وه‌ كرد ئه‌و جووره‌ كه‌سه‌يله‌ ماڵپه‌ڕه‌يل په‌يوه‌ندى كۆمه‌ڵايه‌تى ئه‌يه‌رنه‌ كار جوور سه‌كوويگ ئه‌را جيوه‌جيكردن ئامانجه‌يليان و دعايه‌ ئه‌را سلفه‌ ئه‌كه‌ن ئه‌را مه‌يلكيشان كارمه‌ند يا خانه‌نشين تا بتويه‌نن سه‌ردانيان بكه‌ن و بخه‌ڵه‌تننه‌يان و پويل له‌ليان وه‌ربگرن.

 

جى باسه‌، به‌ياننامه‌گه‌ داوايش له‌ كارمه‌نده‌يل و خانه‌نشينه‌يل كرد باوه‌ڕ وه‌و كه‌سه‌يله‌ نه‌كه‌ن ك دروو وه‌ل هاووڵاتيه‌يل ئه‌كه‌ن و ته‌نيا لايه‌نيگ ياسايى ك سلفه‌ ئه‌ياد لقه‌يل بانكه‌گه‌س وه‌ ته‌نيا.