هــــه‌واڵ كــوردى
هيزيگ كورد كه‌فته‌ جه‌نگه‌و وه‌ل داعش و ده‌يان كه‌س كوشيانه‌

هيزيگ كورد كه‌فته‌ جه‌نگه‌و وه‌ل داعش و ده‌يان كه‌س كوشيانه‌


شه‌فه‌ق نيوز/ چه‌ودێر سوورى ئه‌را مافه‌يل ئاده‌ميزاد وت: جه‌نگ سه‌ختيگ له‌ خوه‌رهه‌ڵات سوريا له‌ناونى تونڕه‌وه‌يل ريكخرياگ داعش و هيزه‌يليگ روێداگه‌ ك له‌لايه‌ن وڵاته‌يل يه‌كگرتگه‌و پشتگيرى له‌ليان ئه‌كريه‌ێد و ئه‌و جه‌نگه‌ بويه‌سه‌ هووكار كه‌فتنه‌وه‌ى كوشيان ده‌يان كه‌س مه‌ده‌نى و جه‌نگاوه‌ره‌يل له‌ ماوه‌ى دو رووژ گوزه‌يشت.

 

له‌ى باوه‌ته‌و، كۆلۆنێڵ شون رايان قسه‌كه‌ر وه‌ناو هاوپه‌يمان ناوده‌وڵه‌تى وت: هيزه‌يل ديموكرات سوريا فره‌يگ له‌ خاكه‌يل ژير ده‌سڵات داعش هاورده‌سه‌وه‌و  زه‌ره‌ديش له‌ناونى هه‌ردگلا وجوود داشتگه‌.

 

جى باسه‌، هاوپه‌يمان هيزه‌يل ديموكرات سوريا جه‌نگ سه‌خت وه‌ل تيرۆرسته‌يل ريكخرياگ داعش ئه‌كه‌ن له‌ نزيك مه‌رزه‌يل عراقى وه‌ ده‌سميه‌ت ته‌ياره‌و هيزه‌يل تايبه‌ت ئه‌مريكى.