هــــه‌واڵ عــیراق
پيشه‌سازى ره‌خنه‌ له‌ پڕبوين بازاڕ له‌ كاڵاێ بيگانه‌ ئه‌گرێد

پيشه‌سازى ره‌خنه‌ له‌ پڕبوين بازاڕ له‌ كاڵاێ بيگانه‌ ئه‌گرێد


شه‌فه‌ق نيوز/ محه‌مه‌د شياع سودانى وه‌زير پيشه‌سازى و كانزايه‌يل، جه‌خت له‌بان خواست جيوه‌جيكردن ڕێ وشوونه‌يل جددى و وه‌رده‌وام كرد ئه‌را وساننه‌وه‌ى سياسه‌ت پڕكردن بازاڕه‌يل عراقى له‌ كاڵايه‌يل بيگانه‌و له‌ هه‌مان وه‌خت داواى پشتگيرى به‌رهه‌م نيشتمانى كرد.

 

سودانى له‌ به‌ياننامه‌يگ ئه‌را(شه‌فه‌ق نيوز)وت: كه‌رت حكومى پيشه‌سازى عراقى و كه‌رت تايبه‌ت و تيكه‌ڵ ناڵنن وه‌ده‌س په‌ككه‌فتن و كزى بازاڕ وه‌ بوونه‌ى سياسه‌ت پڕكردن بازاڕه‌يل وه‌ كاڵاى هاورده‌ له‌ ده‌وڵه‌ته‌يل هاوساو جه‌هانه‌و.

 

جى باسه‌، سودانى هه‌ميش وت: بازاڕه‌يل عراقى وازن له‌وه‌رده‌م كاڵايه‌يل هاورده‌ى خراو و ئه‌رزان، له‌ وه‌رانوه‌ر ئه‌وه‌يش به‌رهه‌م نيشتمانى ديريم ك وه‌ گووره‌ى پێوه‌ره‌يل ناوده‌وڵه‌تى ئه‌يه‌ريه‌نه‌ به‌رهه‌م و بايه‌سه‌ هه‌وڵ جددييگ بدريه‌ێد ئه‌را وه‌كاربردنى له‌ گشت كه‌رته‌يل گشتى و تايبه‌ت و نوايش له‌ پيلانه‌يل ده‌ره‌كى و ناوخوه‌يى بگريه‌ێد ك پيشه‌سازى نيشتمانيمان به‌سانه‌ له‌ 2003 تائيسه‌ جوور به‌شيگ له‌ ويرانكردن ئى وڵاته‌و په‌ره‌داين وه‌ كارخانه‌يل ده‌وڵه‌ته‌يل هاوسا له‌بان به‌رژه‌وه‌ندى نيشتمانى.