هــــه‌واڵ عــیراق
ناوچه‌يگ له‌ باشوور عراق مه‌ترسى ئه‌وه‌ له‌لى كريه‌ێد جوور "دێر ئه‌لزۆر" وه‌پى باێد

ناوچه‌يگ له‌ باشوور عراق مه‌ترسى ئه‌وه‌ له‌لى كريه‌ێد جوور "دێر ئه‌لزۆر" وه‌پى باێد


شه‌فه‌ق نيوز/ وه‌رپرسه‌يل ناوچه‌يى وشدارى ئاڵشتبوين ناوچه‌يگ له‌ پاريزگاى به‌سره‌ دان ئه‌را ئه‌وه‌گ جوور دێر ئه‌لزۆر وه‌پى ناێد له‌ئاكام كوشت و كوشتار ئه‌شايرى له‌تى.

 

ئه‌و وه‌رپرسه‌يله‌ ئه‌را(شه‌فه‌ق نيوز)وتن: دويه‌شه‌و ديره‌ وه‌ختيگ جه‌نگ ومرافه‌يل سه‌ختيگ له‌ناونى هه‌ردوگ هووز "ئه‌بو به‌خيت" و "ئه‌لحه‌مادنه‌" له‌ "ئه‌بو صخێر" سه‌ر وه‌ ناوچه‌ى "گه‌رمه‌ عه‌لى" له‌باكوور پاريزگاى به‌سره‌ ده‌س وه‌پيكردگه‌و تائيسه‌يش هه‌ر وه‌رده‌وامه‌و بار گرژيگ له‌ناونى هه‌ردوگلا دروس بويه‌.

 

وه‌رپرسه‌يل وتن: سوڵحيگ هه‌س له‌ناونى هه‌ردوگ هووز به‌نى ئه‌سه‌د و به‌نى سكه‌ين له‌ ناوچه‌گه‌و له‌ سه‌عات 12ى نيمه‌ڕوو ئمڕوو ته‌مام ئه‌دێ و وشدارى يه‌يش دان ئه‌بو سخێر بدێده‌ دێر ئه‌لزۆر له‌ حاڵه‌ت زيايبوين كوشتار له‌ناونى ئه‌و هه‌ردوگ هووزه‌يل ناوبرياگه‌ ك له‌تى چه‌ك نيمچه‌ قورس و سووك هاورياسه‌ كار.