هــــه‌واڵ عــیراق
46 ئيرانى له‌ عراق له‌ماوه‌ى چه‌ن رووژيگ گيان له‌ده‌سدان

46 ئيرانى له‌ عراق له‌ماوه‌ى چه‌ن رووژيگ گيان له‌ده‌سدان


شه‌فه‌ق نيوز/ 46 زياره‌تكار ئيرانى له‌ عراق له‌وه‌خت به‌شداريكردنيان له‌ رێ وڕه‌سم زياره‌ت چله‌ى ئيمام حسێن سڵام خودا له‌لى گيان له‌ده‌سدان.

 

له‌ى باوه‌ته‌و، عه‌بدولنه‌بى ساعدى وه‌ڕيه‌وبه‌ر نويسينگه‌ى ئيران ئه‌را زه‌مان له‌ عراق، وت: 15 ئيرانى وه‌ شيوه‌يگ ئاسايى مردنه‌، وه‌لێ شماره‌يگ له‌ئاكام روێداگه‌يل رێ وبان و روێداگه‌يل تر گيان له‌ده‌سدانه‌.

 

ساعدى هه‌ميش وت: ئه‌و زياره‌تكاره‌يله‌ ك ناويان له‌ مه‌وقع"سه‌ماح "تايبه‌ت وه‌ زياره‌ت چله‌ نويسانه‌ كه‌فتنه‌سه‌ وه‌ر زه‌مان چاره‌سه‌ر و ته‌مه‌ن ك هه‌ر يه‌كيگ له‌ليان 142 هه‌زار ريال داگه‌.

 

جى باسه‌، ساعدى هه‌ميش وت: ئه‌و زياره‌تكاره‌يل ئيرانيه‌ ك له‌ عراق مردنه‌ پيكهاتنه‌ له‌ 35 پياو و 11 ئافره‌ت و باسيش له‌وه‌ كرد ك 250 زياره‌تكار ئيرانييش ره‌وانه‌ى نه‌خوه‌شخانه‌يل كريانه‌ له‌ شاره‌يل كازميه‌و نه‌جه‌ف و كه‌ربه‌لا ئه‌را چاره‌سه‌ر و 130 زياره‌تكاريش ئيفاد كريانه‌ ئه‌را نه‌خوه‌شخانه‌يل ئيلام و مهران دوياى وه‌رگرتن چاره‌سه‌ر يه‌كه‌م له‌ عراق.