هــــه‌واڵ كــوردى
سه‌ركرده‌يگ كورد فه‌يلى له‌ يه‌كێتى نيشتمانى كوردستان ئيوه‌ خوه‌ش

سه‌ركرده‌يگ كورد فه‌يلى له‌ يه‌كێتى نيشتمانى كوردستان ئيوه‌ خوه‌ش


شه‌فه‌ق نيوز/ عه‌بدولڕه‌زاق فه‌يلى ئه‌ندام دامه‌زرنه‌ر له‌ يه‌كێتى نيشتمانى كوردستان، له‌ شار سلێمانى له‌شوون شيويان بار ته‌ندروستيى ماڵئاوايى يه‌كجارێ له‌ دونيا كرد.

 

سه‌رچه‌وه‌يليگ له‌ يه‌كێتى نيشتمانى كوردستان ئه‌وه‌ ده‌رخستن ك بار ته‌ندروستى فه‌يلى  وه‌رجه‌ سێ رووژ خراو بويه‌و زويتر نه‌شتگه‌رى ئه‌راى كرياگه‌و جيواز كرياگه‌ ئه‌را نه‌خوه‌شخانه‌ى فاروق له‌ سلێمانى.

 

بريارى بوى فه‌يلى وه‌ ته‌ياره‌يگ تايبه‌ت جيواز بكرياتاد ئه‌را وڵات سوێد له‌وه‌ر چاره‌سه‌ر، وه‌لێ ئمڕوو ماڵئاوايى يه‌كجارى له‌ دونيا كرد.

 

جى باسه‌، عه‌بدولڕه‌زاق عه‌زيز ميرزا ناسرياێ وه‌ عه‌بدولڕه‌زاق فه‌يلى، له‌ساڵ 1945 له‌ شار به‌غدا هاه‌سه‌ دونياو باوگ سێ دويه‌ته‌، ك پۆسته‌يل جياجيايگ داشگه‌ له‌ يه‌كێتى نيشتمانى و حكومه‌ت هه‌رێم كوردستان له‌ناو و له‌ده‌يشت هه‌رێم و يه‌كيگه‌ له‌ دامه‌زرنه‌يل يه‌كێتى نيشمانى كوردستان له‌ساڵ 1975.