هــــه‌واڵ عــیراق
وزاره‌ت كووچ ئاشكراى ئامار كووچبه‌ره‌يل قه‌زاى قائم كرد

وزاره‌ت كووچ ئاشكراى ئامار كووچبه‌ره‌يل قه‌زاى قائم كرد


شه‌فه‌ق نيوز/ وزاره‌ت كووچ و كووچبه‌ره‌يل عراقى، ئاشكراى ئه‌وه‌ كرد هه‌ر له‌ سه‌ره‌تاى ده‌سوه‌پيكردن كرده‌وه‌يل سه‌ربازى ئه‌را ئازادكردن قه‌زاى قائم له‌ پاريزگاى ئه‌نبار له‌ ناوڕاس مانگ ئه‌يلوول ئمساڵ تائيسه‌ ره‌سيه‌سه نزيكه‌ى‌ 17 هه‌زار كووچبه‌ر.

 

وزاره‌ته‌گه‌ له‌ به‌ياننامه‌يگ وت: ئامار كووچبه‌ره‌يل له‌ سه‌ره‌تاى ده‌سوه‌پيكردن كرده‌وه‌يل سه‌ربازى ئه‌را ئازادكردن قه‌زاى قائم له‌ پاريزگاى ئه‌نبار له‌ ناوڕاس مانگ ئه‌يلوول ئمساڵ تائيسه‌ ره‌سيه‌سه‌(16,872)كووچبه‌ر و جه‌خت له‌وه‌يش كرد ك تيمه‌يل وزاره‌ته‌گه‌ وه‌رده‌وامن له‌ جيوازكردن خيزانه‌يل له‌ قه‌زايه‌يل قائم و عانه‌ و راوه‌ ئه‌را كه‌مپه‌يل وزاره‌ته‌گه‌.

 

جى باسه‌، به‌ياننامه‌گه‌ يه‌يش ده‌رخست ك تيمه‌يل وزاره‌ته‌گه‌ (4.045) خيزان جيواز كردنه‌ ئه‌را كه‌مپه‌يل عامريه‌ و عانه‌و (8.716) كووچبه‌ر ئه‌را كه‌مپه‌يل شار گه‌شتيارى و خالديه‌و (3.495) كووچبه‌ر ئه‌را كه‌مپ ئه‌لكێلو18 و (616)كووچبه‌ريش له‌ كه‌مپ ئه‌لمده‌ڕه‌ج و ته‌ل ئه‌لجه‌رابيع سه‌ر وه‌ پاريزگاى نه‌ينه‌وا پيشوازى له‌ليان كرياگه‌.