هــــه‌واڵ عــیراق
ماڵه‌يل سه‌دام حسێن ئه‌كريه‌نه‌ نه‌خوه‌شخانه‌

ماڵه‌يل سه‌دام حسێن ئه‌كريه‌نه‌ نه‌خوه‌شخانه‌


شه‌فه‌ق نيوز/ سه‌رچه‌وه‌يگ فه‌رمى، ئاشكراى ره‌زامه‌نى ئه‌ميندارێتى گشتى ئه‌نجومه‌ن وه‌زيره‌يل كرد له‌بان ته‌رخانكردن كۆمه‌ڵه‌ ماڵه‌يل سه‌رۆكايه‌تى له‌ ناوچه‌ى ئه‌عزه‌ميه‌ ئه‌را وزاره‌ت ته‌ندروسى له‌وه‌ر ئاماده‌كردنيان ئه‌را ئه‌وه‌گ بكريه‌نه‌ نه‌خوه‌شخانه‌ى تايبه‌تمه‌ند ئه‌را چاره‌سه‌ر حاڵه‌ته‌يل ئدمان له‌بان مادده‌يل بيهووشكه‌ر.

 

له‌ى باوه‌ته‌و، ئه‌حمه‌د روبه‌يعى وه‌ڕيه‌وبه‌ر ده‌زگاى عقارات ده‌وڵه‌ت ئه‌را رووژنامه‌ى فه‌رمى ئه‌لسه‌باح وت: ليژنه‌ى ماڵه‌يل سه‌رۆكايه‌تى خريانه‌سه‌ وه‌ر كار ئه‌را ئاماده‌كردنيان و ئيسه‌يش ليژنه‌يليگ خه‌ريك كاره‌يل خوه‌يانن ئه‌را ئاماركردن ئى ماڵه‌يله‌ له‌ پاريزگاى ئه‌نبار و نه‌ينه‌واو سه‌ڵاحه‌دين له‌وه‌ر ته‌مامكردن جه‌رد و نمايشكردنى ئه‌را ليژنه‌ى ماڵه‌يل سه‌رۆكايه‌تى له‌ ئه‌ميندارێتى گشتى ئه‌نجومه‌ن وه‌زيره‌يل وه‌خاتر له‌وه‌رگرتن ڕى وشوون ئه‌را مامڵه‌كردن وه‌ل ئه‌و ماڵه‌يله‌.

 

جى باسه‌، روبه‌يعى هه‌ميش وت: ده‌زگاى عه‌قاره‌يل ده‌وڵه‌ت ها هوير ئه‌وه‌ بڕيگ له‌ ماڵه‌يل سه‌رۆكايه‌تى له‌ ئه‌عزه‌ميه‌ له‌لايه‌ن وزاره‌ت ته‌ندروسيه‌و نه‌ف له‌ليان وه‌ربگريه‌ێد ئه‌را ئه‌وه‌گ بكريه‌نه‌ نه‌خوه‌شخانه‌ى ئه‌را نه‌خوه‌شيه‌يل مودمن تايبه‌ت وه‌ مادده‌يل بيهووشكه‌ر.