هــــه‌واڵ كــوردى
توركيا 16 سه‌رباز له‌ده‌سداو كورديش هه‌وڵ هاوردنه‌وه‌ى شوونه‌يليان ئه‌يه‌ن

توركيا 16 سه‌رباز له‌ده‌سداو كورديش هه‌وڵ هاوردنه‌وه‌ى شوونه‌يليان ئه‌يه‌ن


شه‌فه‌ق نيوز/ جه‌نگه‌يل سه‌ختيگ له‌ عه‌فرين له‌ناونى هيزه‌يل توركى و فه‌سيله‌يليگ له‌ سوپاى ئازاد سورى ك له‌لايه‌ن ئه‌نقه‌ره‌وه‌ پشتگيرى ئه‌كريه‌ن و ناونى يه‌كه‌يل پاسه‌وان ملله‌ت كورد وه‌رده‌وام بوێ ك هه‌وڵ نواگرتن په‌لاماره‌يل توركى ئه‌ياد له‌ ناوچه‌گه‌و له‌ ئاكام ئه‌و جه‌نگه‌يليشه‌ 16 سه‌باز توركى كوشيانه‌ له‌وه‌خت ده‌سوه‌پيكردن كرده‌وه‌يل سه‌ربازێ تائيسه‌.

 

له‌ى باوه‌ته‌و، چه‌ودير سورى ئه‌را مافه‌يل ئاده‌ميزاد وت: ئه‌و جه‌نگه‌يله‌ دقه‌ت له‌بان محوه‌ره‌يليگ له‌ ئاوايى شێخ خورز سه‌ر وه‌ ناحيه‌ێ بلبله‌ كردنه‌ له‌ كه‌رت باكوور له‌ ناوچه‌ێ عه‌فرين، ك جه‌نگاوه‌ره‌يل كورد تويه‌نستنه‌ پيشڕه‌وێ بكه‌ن و سه‌نگه‌ره‌يليان بارنه‌و.

 

جى باسه‌، چه‌ودێر ناوبرياێ هه‌ميش وت: هيزه‌يل توركى بوردمان سه‌ختيگيش ئه‌را بان ناوچه‌يليگ له‌ راجۆ و شێخ حه‌ديد و جندريس له‌ ريف عه‌فرين ئه‌نجام دانه‌.