هــــه‌واڵ عــیراق
عراق ئه‌را يه‌كه‌مجاره‌ له‌ مێژووێ باوه‌ڕنامه‌ێ GMP ناوده‌وڵه‌تى وه‌ربگرێد

عراق ئه‌را يه‌كه‌مجاره‌ له‌ مێژووێ باوه‌ڕنامه‌ێ GMP ناوده‌وڵه‌تى وه‌ربگرێد


شه‌فه‌ق نيوز/ ناوه‌ند ئه‌لڕازێ ئه‌را توێژينه‌وه‌و به‌رهه‌م كه‌ره‌سه‌ێ ته‌شخيسى پزيشكى سه‌ر وه‌ ده‌زگاێ توێژينه‌وه‌و په‌ره‌داين پيشه‌سازى ك يه‌كيگه‌ له‌ دامه‌زرياگه‌يل وزاره‌ت پيشه‌سازێ و كانزايه‌يل ئاشكراێ وه‌رگرتن باوه‌ڕنامه‌ێ مه‌شق سونعه‌ت خاس GMPله‌ كومپانياێ (Vexil Business Process Services) كرد ك ئه‌را يه‌كمجاره‌ دريه‌ێده‌ عراق.

 

عه‌بدولغه‌نى فه‌خرى ئال جه‌عفه‌ر وه‌ڕيه‌وبه‌ر گشتى ده‌زگاێ ناوبرياێ له‌ لێدوانيگ ئه‌را (شه‌فه‌ق نيوز) وت: داين ئى باوه‌ڕنامه‌ وه‌ ناوه‌ند ئه‌لڕازێ له‌ئاكام ئه‌و هه‌وڵ و پابه‌نديه‌ بويه‌ وه‌ پێوه‌ره‌يل جه‌هانى ئه‌را جيوه‌جيكردن سيستم خاسى وه‌ تايبه‌ت وه‌ مواسفات GMP ك بويه‌ هووكار وه‌رگرتن ئى باوه‌ڕنامه‌.

 

جى باسه‌، ئال جه‌عفه‌ر هه‌ميش وت: زويتريش ناوه‌ند ئه‌لڕازێ باوه‌ڕنامه‌يل تر خاسى ISO 9001 : 2008 له‌ كومپانياێ "فكسڵ" يش وه‌رگرتگه‌.