هــــه‌واڵ عــیراق
زه‌ره‌ده‌يل دوياى داعش 46 مليار دۆلاره‌ و جه‌هانيش ئاماده‌ى جه‌مكردنى نيه‌

زه‌ره‌ده‌يل دوياى داعش 46 مليار دۆلاره‌ و جه‌هانيش ئاماده‌ى جه‌مكردنى نيه‌


شه‌فه‌ق نيوز/ حه‌يده‌ر عبادى سه‌رۆك وه‌زيره‌يل ئاشكراى ئه‌وه‌ كرد ك زه‌ره‌ده‌يل عراق دوياى جه‌نگ دژ ريكخرياگ ترۆريستى داعش ره‌سيه‌سه‌ 46 مليار دۆلار و جه‌خت له‌وه‌يش كرد ك وڵاته‌يل جه‌هانيش ئاماده‌ نيين ئه‌را جه‌مه‌وكردن ئى بڕه‌ پويله‌.

 

عبادى له‌ ديداريگ وه‌ل گۆڤار "تايم" ئه‌مريكى وت: هويچ ده‌وڵه‌تيگ نه‌بايه‌د وه‌رگه‌ى ئيچنه‌ په‌لاماره‌يليگ بگرێد، چوينكه‌ خه‌رجى گه‌وراسه‌ له‌ڕوێ ماددى و مرۆيى و هه‌ر وه‌و خاتريشه‌ ئيمه‌يش نواگيرى له‌لى ئه‌كه‌يم و بايه‌سه‌ مه‌ردميش ئحساس وه‌ ئه‌وه‌ بكه‌ن ك به‌شيگن له‌ى وڵاته‌و هاووڵاتيين له‌ى  وڵاته‌.

 

جى باسه، عبادى هه‌ميش وت: مه‌سه‌له‌ێ ئاوه‌دانكردن كار خواستيگه‌و ئيمه‌يش دوجار باجى دايمنه‌، يه‌كه‌ميان هه‌ناى ك داعش له‌ سورياوه‌ هات وه‌ره‌و عراق و بويه‌ هووكار كووچ وه‌پيكرن مليۆنه‌ها هاووڵاتى و كوشتن شماره‌يگ له‌ليان و دويه‌ميش هه‌ناى ك ده‌سكرديمنه‌ ئازادكردن ناوچه‌يلمان ويرانكاريه‌گه‌ گه‌وراتر بوێ.