هــــه‌واڵ كــوردى
بريتانيا وه‌خته‌گه‌ ئه‌را راپرسى سه‌روه‌خوه‌يى هه‌رێم وه‌ نه‌گونجياگ زانێد

بريتانيا وه‌خته‌گه‌ ئه‌را راپرسى سه‌روه‌خوه‌يى هه‌رێم وه‌ نه‌گونجياگ زانێد


شه‌فه‌ق نيوز/ فرانك بيكه‌ر باڵوێز بريتانى له‌ به‌غدا باس له‌وه‌ كرد ك وڵاته‌گه‌ێ كيشه‌ له‌بان ئه‌نجامداين راپرسى بڕيار ماف چاره‌نويس ئه‌را سه‌روه‌خوه‌يى هه‌رێم كوردستان له‌ عراق نه‌يرێد، وه‌لێ باوه‌ڕێ ئه‌وه‌سه‌ ك وه‌خته‌ دياريكريايه‌گه‌ ئه‌را ئه‌و راپرسيه‌ گونجياگ نيه‌.

 

بيكه‌ر له‌ كۆنگره‌يگ رووژنامه‌گه‌رى له‌ پاريزگاى هه‌ڵه‌بجه‌، وت: ئيمه‌ هايم وه‌ل ئازادێ گشت ملله‌ته‌يل ئه‌را وه‌رگرتان مافه‌يليان، وه‌لێ وه‌ڕاێ ئيمه‌ ئيسه‌ وه‌خته‌گه‌ گونجياگ نيه‌ ئه‌را ئه‌نجامداين راپرسى له‌ هه‌رێم كوردستان له‌ساێ ئى ئى بارودوخه‌ ك هاته‌سه‌ تويش عراق.

 

جى باسه‌، بيكه‌ر هه‌ميش وت: له‌ى بارودوخ ئيسه‌ ك هاته‌سه‌ تويش عراق، راپرسى وه‌ هه‌ر شيوه‌يگ بوود سه‌ركه‌فتگ نادێ و داوايش له‌ ده‌سڵاته‌يل له‌ كوردستان كرد ره‌زامه‌نى حكومه‌ت ناوه‌ندێ له‌ به‌غدا وه‌ربگرن وه‌رجه‌ ده‌سوه‌پيكردن ئه‌و راپرسيه‌.