هــــه‌واڵ عــیراق
قه‌رز به‌سمايه‌ هاووڵاتيه‌يل فريه‌يگ خسته‌سه‌ ڕزه‌و

قه‌رز به‌سمايه‌ هاووڵاتيه‌يل فريه‌يگ خسته‌سه‌ ڕزه‌و


شه‌فه‌ق نيوز/ بانك رافده‌ين ئاشكراى ئه‌وه‌ كرد ك لقه‌يل ته‌رخانكرياگى ئه‌را داين قه‌رز كومه‌ڵگه‌ى نيشته‌جيكردن به‌سمايه‌ پيشوازى له‌ هاووڵاتيه‌يل فريه‌يگ كردگه‌و مه‌ردم فريه‌يگيش ڕز به‌سانه‌ ئه‌را وه‌رگرتن قه‌رز.

 

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را(شه‌فه‌ق نيوز)وت: لقه‌يل ئه‌لمسته‌نسر و ئه‌لخوله‌فا و ئه‌لئه‌مين و ئه‌لفرده‌وس و ئه‌لئه‌مان و حه‌يولزه‌هرا و بوراسا و قه‌سرولئه‌بيه‌ز و حه‌يولعه‌ره‌بى و حه‌يولعامل ته‌رخان كريانه‌ ئه‌را داين قه‌رزه‌يل كومه‌ڵگه‌ى به‌سمايه‌، ئه‌ويش دوياى ئعلان ده‌سوه‌پيكردن ئى قه‌رزه‌يله‌ ئه‌را ته‌مامكردن رى وشوونه‌يل وه‌رگرتن شوقه‌ى نيشته‌جى له‌ ماوه‌يگ دياريكرياێ.

 

جى باسه‌، نويسينگه‌ى ناوبرياگ هه‌ميش وت: بانكه‌گه‌ ميكانيزميگ گونجياگ داناگه‌ ئه‌را وه‌رگرتن ئه‌و قه‌رزه‌ وه‌خاتر زه‌مانه‌ت وه‌رگرتنى له‌ وه‌ختيگ گورج دوير له‌ رۆتين رووژانه‌و رى وشوونه‌يل سه‌خت.