هــــه‌واڵ كــوردى
كۆنگرس بودجه‌ى بنتاگۆن په‌سه‌ن كرد و له‌ليشى ئه‌را پێشمه‌رگه‌ ته‌رخانكرد

كۆنگرس بودجه‌ى بنتاگۆن په‌سه‌ن كرد و له‌ليشى ئه‌را پێشمه‌رگه‌ ته‌رخانكرد


شه‌فه‌ق نيوز/ كۆنگرس ئه‌مريكى بودجه‌ى وه‌زاره‌ت وه‌رگرى ئه‌مريكى (پنتاگۆن) په‌سه‌ن كرد وه‌ بڕ 3,716 مليار دۆلار، ك يه‌يش خه‌رج سه‌ربازى گورجه‌و ئه‌كاو پشتگيرى هه‌ڵويست ئه‌مريكييش له‌ روى وه‌ڕوێ بوينه‌وه‌ى روسيا ئه‌كا.

 

له‌ى باوه‌تيشه‌و، ئه‌ندامه‌يل ئه‌نجومه‌ن نوێنه‌ره‌يل ئه‌مريكى زويتر له‌ مانگ شوبات گوزه‌يشت بڕيار داناين ناو پيشمه‌رگه‌ دان له‌ ره‌شنويس بودجه‌ى وڵاته‌گه‌يان، وه‌لێ له‌ راسه‌وكردن پرووژه‌ ياسا زياى كرياو 290 مليۆن دۆلار ئه‌راى ته‌رخان كريا له‌ 850 مليۆن دۆلار ئه‌را سوپاى عراقى.

 

جى باسه‌، واشنتۆن 415 مليۆن دۆلار له‌ بودجه‌ى وه‌رگرى سه‌ربازى ساڵ 2017يش ئه‌را هيزه‌يل پێشمه‌رگه‌ ته‌رخان كرد ك راسه‌وخۆ ته‌سليم وه‌ هه‌رێم كوردستان كرياو له‌ بودجه‌ى 2018يش بڕ 365 مليۆن دۆلار ئه‌را پێشمه‌رگه‌ ته‌رخان كريا.