هــــه‌واڵ كــوردى
هيومن رايتس له‌وه‌ر له‌سێداره‌داين داعشيه‌يل له‌لايه‌ن هيزه‌يل كورده‌و دڵته‌نگه‌

هيومن رايتس له‌وه‌ر له‌سێداره‌داين داعشيه‌يل له‌لايه‌ن هيزه‌يل كورده‌و دڵته‌نگه‌


شه‌فه‌ق نيوز/ ريكخرياگ هيومن رايتس وۆتش، تومه‌تبار هيزه‌يل ئاسايش كورد عراقى كرد وه‌ ئه‌نجامداين تاوان جه‌نگ، ئه‌ويش وه‌ بوونه‌ى ئه‌وه‌گ جيوه‌جى سزاى له‌سێداره‌داين وه‌جه‌م كردنه‌ ده‌رهه‌ق كه‌سه‌يليگ گومانليكرياێ سه‌ر وه‌ داعش.

 

وه‌ گووره‌ى راپۆرته‌يل ريكخرياگه‌گه‌ ئه‌وه‌ ده‌ركه‌فت ك هيزه‌يل پێشمه‌رگه‌ى كورد كه‌سه‌يليگ عراقى و بيگانه‌ ده‌سگير كردنه‌ له‌ خوه‌ندنگايگ له‌ ديم ئه‌لمليحه‌ ك ئه‌كه‌فێده‌ دويرێ 70 كم له‌ باكوور خوه‌رئاواى شار موسڵ و بردنه‌سه‌يان له‌ نزيك شار زووممار دانه‌سه‌يان له‌سێداره‌و خسته‌سه‌يانه‌ قه‌وره‌يل وه‌جه‌م.

 

جى باسه‌، ئى راپۆرته‌ ريكخرياگ ناورياگه‌ ك باره‌گاێ ها نيويۆرك، پشت وه‌ شايه‌تى كه‌سيگ به‌ساگه‌ ك زويتر له‌ هيزه‌يل ئاسايش بويه‌ وه‌ل شه‌ش هاووڵاتى تر و له‌تى ناڕه‌حه‌تى و دڵته‌نگى خوه‌ى ده‌رخستگه‌ ئه‌را له‌سێداره‌داين داعشيه‌يل.