هــــه‌واڵ كــوردى
يونامى به‌شدارى راپرسى سه‌روه‌خوه‌يى كوردستان ناكا

يونامى به‌شدارى راپرسى سه‌روه‌خوه‌يى كوردستان ناكا


شه‌فه‌ق نيوز/ كلكرياگ نه‌ته‌وه‌يل يه‌كگرتگ ئه‌را ده‌سميه‌ت عراق "يونامى" ئه‌وه‌ ده‌رخست ك خوه‌ێ ناخاده‌ ناو راپرسى ئاينده ئه‌را سه‌روه‌خوه‌يى هه‌رێم كوردستان ك بڕياره‌ له‌ ئه‌يلوول ئاينده‌ ئه‌نجام بگرێد.

 

كلكريايه‌گه‌ له‌ به‌ياننامه‌يگ ك(شه‌فه‌ق نيوز)ئاگادارى بوى، وت: نويسينگه‌ێ ده‌سميه‌ت هه‌ڵوژاردن سه‌ر وه‌ يونامى خوازياره‌ دوياێ دانيشتن وه‌ل كومسيۆن باڵاێ هه‌ڵوژاردنه‌يل له‌ هه‌رێم كوردستان راپۆرته‌يل نادقه‌ت راسه‌و بكا ك باس له‌وه‌ ئه‌كه‌ن گوايا يونامى سه‌رپه‌شى و چه‌ودێرى پرووسه‌ێ راپرسى ئه‌كا.

 

جى باسه‌، كلكريايه‌گه‌ هه‌ميش وت: نويسينگه‌ێ ناوبرياێ جه‌خت له‌وه‌يش ئه‌كا ك ناخوازێد خوه‌ێ بخاده‌ ناو ئه‌و راپرسيه‌ ك بڕياره‌ له‌ 25 ئه‌يلوول  ئه‌نجام بگرێد جوور ئه‌وه‌گ سه‌رۆكايه‌تى هه‌رێم كوردستان وه‌ بڕيار شماره‌ 2017/106 له‌ ريككه‌فت 8 حزه‌يران 2017 ئاشكراێ كرد.