هــــه‌واڵ عــیراق
به‌رهه‌م ساڵح نۆيه‌مين سه‌رۆك كۆمار عراق

به‌رهه‌م ساڵح نۆيه‌مين سه‌رۆك كۆمار عراق


شه‌فه‌ق نيوز/ په‌رله‌مان عراق ده‌نگ له‌بان دياريكردن به‌رهه‌م ساڵح دا ئه‌را سه‌رۆك كۆمار عراق دوياى دانيشتن پڕ له‌ گفتگوو وه‌ل پارت ديموكرات كوردستان.

 

هه‌ڵوژانن ساڵح ك كانديد يه‌كێتى نيشتمانى كوردستانه‌ دوياى گه‌شت ده‌نگداين دويه‌م ئه‌نجام گرت، ك ته‌نيا مه‌ند له‌ ركابه‌ريه‌گه‌ دوياى خوه‌يكيشانه‌وه‌ى فوئاد حسێن كانديد پارت ديموكرات كوردستان له‌ فراكسيۆن پارتى و هووكاره‌گه‌يشى ئه‌وه‌ بوێ باقى فراكسيۆنه‌يل تر سياسى پابه‌ند نه‌وين وه‌ ريككه‌فتن.

 

جى باسه‌، دوياى رميان رژيم سه‌دام حسێن له‌ساڵ 2003، يه‌كێتى نيشتمانى كوردستان ده‌سڵات سه‌رۆكايه‌تى كۆمار وه‌ده‌سيه‌و بوێ له‌بان ريككه‌فتنيگ وه‌ل پارت ديموكرات كوردستان ك وه‌رانوه‌ر ئه‌وه‌ پۆست سه‌رۆكايه‌تى هه‌رێم كوردستان داشت، وه‌لێ ئمساڵ ركابه‌رى سه‌ختيگ بوێ وه‌تايبه‌ت دوياى سڕكردن پۆست سه‌رۆكايه‌تى هه‌رێم و وه‌و ئعتباره‌ ك پارت ديموكرات ئه‌و ريككه‌فتن وه‌رينه‌ نه‌تواس وه‌تايبه‌ت ك خاوه‌ن كوتله‌ى گه‌ورا په‌رله‌مانى كورده‌ له‌ به‌غدا.