هــــه‌واڵ عــیراق
عه‌شاير عه‌ره‌ب جواو خه‌زعه‌لى دانه‌وه‌و داهات مليشيايه‌يل ئاشكرا كردن

عه‌شاير عه‌ره‌ب جواو خه‌زعه‌لى دانه‌وه‌و داهات مليشيايه‌يل ئاشكرا كردن


شه‌فه‌ق نيوز/ مزاحم ئه‌لحوێت قسه‌كه‌ر وه‌ناو عه‌شاير عه‌ره‌ب له‌ ناوچه‌يل كيشه‌ له‌سه‌ر، جواو لێدوانه‌يل قه‌يس خه‌زعه‌لى سه‌ركرده‌ى عه‌سايب ئه‌هلولهه‌ق داره‌و له‌باره‌ى بڵاوبوينه‌وه‌ى فه‌سيله‌يل چه‌كدار له‌بان مه‌رزه‌يل عراق و سوريا.

 

ئه‌لحوێت ئه‌را شه‌فه‌ق نيوز وت: وه‌ ته‌مامى بڵاوبوينه‌وه‌ى ميليشيايه‌يل حه‌شد شه‌عبى ئيرانى له‌بان مه‌رزه‌يل عراق و سوريا ره‌ته‌و ئه‌كه‌يم و ئاگادار هيزه‌يل هاوپه‌يمانيش كرديمنه‌ له‌ى باوه‌ته‌و.

 

ئه‌لحوێت هه‌ميش وت: ئامانج سه‌ركرده‌ى عه‌سايب ئه‌را ئيمه‌ ئاشكراس و ريككه‌فتنيش له‌ناونى ميليشيايه‌يل سورى و هاوتايه‌يل عراقييان هه‌س له‌باره‌ى وازكردن خاڵه‌يل گومرگى سه‌ر وه‌ حه‌شد شه‌عبى ك مووچه‌يليان له‌ ئيران وه‌رگرتيان، وه‌لێ وه‌ بونه‌ى چه‌سپانن سزا له‌بان ئه‌و وڵاته‌ له‌لايه‌ن ئه‌مريكاوه‌ ئه‌و مووچه‌يله‌ كه‌مه‌و كريان و ئيسه‌يش ته‌مويلكردنيان خوديه‌.