هــــه‌واڵ كــوردى
يه‌كێتى نيشتمانى په‌رله‌مانتاريگ وه‌ بوونه‌ێ دژايه‌تى راپرسێ قاو ئه‌ياد

يه‌كێتى نيشتمانى په‌رله‌مانتاريگ وه‌ بوونه‌ێ دژايه‌تى راپرسێ قاو ئه‌ياد


شه‌فه‌ق نيوز/ هووكاره‌يل ره‌سانن سه‌ر وه‌ يه‌كێتى نيشتمانى كوردستان، ئاشكراێ ئه‌وه‌ كردن ك مه‌كته‌ب سياسى حزبه‌گه‌ فه‌رهاد سه‌نگاوى ئه‌ندام په‌رله‌مان كوردستان قاو ئه‌ياد ك به‌شدارێ له‌ هه‌ڵمه‌ت ده‌نگداين وه‌ "نه‌خێر" ئه‌را سه‌روه‌خوه‌يى كوردستان له‌ عراق كردگه‌.

 

له‌ى باوه‌ته‌و، كه‌ناڵ ئاسمانى "گه‌لى كوردستان" سه‌ر وه‌ حزب ناوبرياگ هه‌واڵه‌يگ وه‌په‌له‌ ده‌ركرد و وت: مه‌كته‌ب سياسى يه‌كێتى نيشتمانى كوردستان بڕياريگ ده‌رئه‌كا ئه‌را قاوداين هه‌ر كه‌سيگ به‌شدارێ له‌و هه‌ڵمه‌ته‌ كردگه‌.

 

جى باسه‌، رووژ سێشه‌ممه‌ێ گوزه‌يشت شاسوار عه‌بدولواحد سه‌رۆك بڕه‌ كومپانيايه‌يل "ناليا" ئاشكراێ ده‌سوه‌پيكردن هه‌ڵمه‌تيگ كرد و له‌تى داواێ ده‌نگداين وه‌ نه‌خێر كرد ئه‌را سه‌روه‌خوه‌يى كوردستان وه‌ به‌شدارێ دو په‌رله‌مانتار ك پيكهاتن له‌: فه‌رهاد سه‌نگاوى و ئه‌واكه‌يش له‌بان بزووتنه‌وه‌ێ گۆڕان.