هــــه‌واڵ جیــهانى
"گه‌ريلا" ئاشكراى كوشتن 11 سه‌رباز توركى كرد

"گه‌ريلا" ئاشكراى كوشتن 11 سه‌رباز توركى كرد


شه‌فه‌ق نيوز/ ناوه‌ند ره‌سانن هيزه‌يل وه‌رگرى مه‌ردمى، ئاشكراى ئه‌وه‌ كرد ك هيزه‌يلێ "گه‌ريلا" تويه‌نستنه‌ 11 سه‌رباز توركى بكوشن.

 

ناوه‌نده‌گه‌ له‌ به‌ياننامه‌يگ ك شه‌فه‌ق نيوز ئاگادارێ بوى وت: هيزه‌يلمان له‌ چوارچێوه‌ى هه‌ڵمه‌تيگ شووڕشانه‌ وه‌ناو هه‌دوگ شه‌هيد پيرۆز و ئاكرى، كرده‌وه‌يگ له‌بان رێ ئه‌منى و په‌يوه‌س له‌ناونى مه‌خفه‌ر ته‌سه‌و ته‌له‌ هه‌فتكانه‌ له‌ ناحيه‌ى شه‌مزينان له‌ شار جوله‌مێرگ ئه‌نجام دان و ده‌س سه‌ختيگ له‌ بنگه‌يل داگيركار توركى وه‌شانن وه‌بى زانستن شماره‌ى كوشياگه‌يل و زه‌خمداره‌يل سوپاى داگيركار.

 

به‌ياننامه‌گه‌ هه‌ميش وت: هيزه‌يلمان كرده‌وه‌يگ تر دژ هيزه‌يل توركى ئه‌نجام دانه‌ له‌نزيك ناوچه‌ى شابتان له‌ ناحيه‌ى شه‌مزينان و 9  سه‌رباز توركى كوشتنه‌، بيجگه‌ كوشتن 2 سه‌رباز تر له‌ ناحيه‌ى قسله‌ له‌ شار دێرسيم.