هــــه‌واڵ عــیراق
عه‌بدولمهدى شكايه‌ته‌يل دژ خوه‌ينيشانده‌ره‌يل به‌سره‌ پويچه‌ڵه‌و كرد

عه‌بدولمهدى شكايه‌ته‌يل دژ خوه‌ينيشانده‌ره‌يل به‌سره‌ پويچه‌ڵه‌و كرد


شه‌فه‌ق نيوز/ عادل عه‌بدولمهدى سه‌رۆك ئه‌نجومه‌ن وه‌زيره‌يل سه‌ركرده‌ى گشتى هيزه‌يل چه‌كدار، بڕيار پويچه‌ڵكردنه‌وه‌ى ئه‌و شكايه‌ته‌يله‌ دا ك له‌لايه‌ن لايه‌نه‌يليگ حكوميه‌و به‌رزه‌و كرياوێد دژ خوه‌ينيشانده‌ره‌يل له‌ پاريزگاى به‌سره‌.

 

مونته‌زه‌ر كه‌كووشى چالاكوان له‌ به‌سره‌ له‌ به‌ياننامه‌يگ ئه‌را شه‌فه‌ق نيوز وت: چالاكوانه‌يل دواكاريه‌يليان و كيشه‌يل به‌سره‌ پيشكه‌ش وه‌ عه‌بدولمهدى كردنه‌ وه‌گشت شيوازيگه‌و له‌وه‌ر چاره‌سه‌ر.

 

كه‌ركووشى هه‌ميش وت: سه‌رۆك وه‌زيره‌يل بڕيار پويچه‌ڵكردنه‌وه‌ى گشت ئه‌و شكايه‌ته‌يله‌ داگه‌ ك دژ خوه‌ينيشانده‌ره‌يل به‌رزه‌و كريانه‌ ك له‌لايه‌ن لايه‌نه‌يليگ حكوميه‌و پيشكه‌ش كرياوێن وه‌ل به‌ساننى وه‌ زويترين وه‌خت له‌ حاڵه‌ت نه‌وين به‌ڵگه‌ى ته‌واو.