هــــه‌واڵ كــوردى
فوتيل جه‌خت له‌ پشگيرى هيزه‌يل پێشمه‌رگه‌ ئه‌را بارزانى كرد

فوتيل جه‌خت له‌ پشگيرى هيزه‌يل پێشمه‌رگه‌ ئه‌را بارزانى كرد


شه‌فه‌ق نيوز/ جوزيف فوتيل سه‌ركرده‌ى سه‌ركردايه‌تى ئه‌مريكى ناوين له‌ ديدارى وه‌ل نێچيروان بارزانى سه‌رۆك حكومه‌ت هه‌رێم كوردستان باس له‌ وه‌ده‌ودامى ده‌سميه‌ته‌يل و هاوكاريه‌يل سه‌ربازى وڵاته‌گه‌ێ كرد وه‌ل هيزه‌يل پێشمه‌رگه‌ له‌ هه‌رێم كوردستان له‌ جه‌نگ دژ ريكخرياگ ترۆريستى داعش.

 

له‌ى باوه‌ته‌و، سه‌رۆكايه‌تى حكومه‌ت هه‌رێم كوردستان له‌ به‌ياننامه‌يگ ئه‌را شه‌فه‌ق نيوز وت: بارزانى پيشوازى له‌ فوتيل كردگه‌و هه‌ردوگلا باس له‌ بار سه‌ربازى و ئاسايشى له‌ عراق و هه‌رێم كوردستان كردنه‌ وه‌ل قوناغه‌يل دوياى له‌ناوبردن ريكخرياگ داعش و باسيش له‌ دويا روێداگه‌يل گفتگوو ليژنه‌ى ته‌كنيكى ناونى هه‌ولێر و به‌غدايش كردنه‌و هه‌ردوگلايش ئوميد ئه‌وه‌ خواستنه‌ هه‌ولێر و به‌غدا بڕسنه‌ چاره‌سه‌ر ئه‌را گشت كيشه‌يل ناونيان وه‌گووره‌ێ ده‌ستوور عراقى.

 

جى باسه‌، به‌ياننامه‌گه‌ يه‌يش ده‌رخس ك فوتيل له‌و ديداره‌ جه‌خت له‌ وه‌رده‌وامى ده‌سميه‌ته‌يل سه‌ربازێ ئه‌مريكييش كردگه‌ ئه‌را بارزانى.