هــــه‌واڵ كــوردى
شاند حكومه‌ت ئوردنى له‌ كوردستان چه‌ن دوسيه‌يگ تاووتوێ ئه‌كا

شاند حكومه‌ت ئوردنى له‌ كوردستان چه‌ن دوسيه‌يگ تاووتوێ ئه‌كا


شه‌فه‌ق نيوز/ تارق حه‌مورى وه‌زير پيشه‌سازى و بازرگانى ئوردنى وه‌ نوێنه‌رايه‌تى شا عه‌بدوڵلاى دويه‌م پاشاى ئوردن به‌شدارى له‌ ديدار سلێمانى ئه‌كا له‌ خول شه‌شه‌مى له‌ هه‌رێم كوردستان ك له‌لايه‌ن زانكۆى ئه‌مريكييه‌و ريكخريه‌ێد.

 

حه‌مورى ئه‌را راى گشتى ئه‌وه‌ ده‌رخست ك به‌شداريكردنى له‌ى ديداره‌ له‌جياى پاشاى ئوردنه‌ له‌ چوارچێوه‌ى دانيشتن له‌باره‌ى ئابوورى له‌ هه‌رێم و له‌تى باس له‌ گرنگترين پرووژه‌ى ئابوورى عه‌ره‌بى و رويداگه‌يل له‌ په‌يوه‌ندى ئوردنى عراقى ئه‌كا ك جوور نموونه‌يگه‌ ئه‌را ته‌ووبوين ئابوورى عه‌ره‌بى.

 

باسيش له‌وه‌ كرد ئى ديداره‌ گرنگى فريه‌يگ لايه‌نه‌يل فه‌رمى عراقى وه‌ده‌سهاوردگه‌و شماره‌يگ له‌ سه‌ركرده‌يل عراقى و عه‌ره‌بى و ناوده‌وڵه‌تى له‌تى به‌شدارێ ئه‌كه‌ن و له‌ناونيانيش به‌رهه‌م ساڵح سه‌رۆك كۆمار و ئه‌ياد عه‌لاوى سه‌رۆك وه‌زيره‌يل وه‌رين و فوئاد سه‌نيوره‌ سه‌رۆك وه‌زيره‌يل وه‌رين لوبنانى و عه‌مرو موسا ئه‌ميندار گشتى كۆمكار وڵاته‌يل عه‌ره‌بى و شماره‌يگ تر له‌ سه‌ركرده‌يل ك له‌تى چه‌ن باوه‌تيگ تاوتوێ ئه‌كريه‌ێد جوور باوه‌ت ئابوورى له‌ هه‌رێم و سه‌ياسه‌ت ده‌ره‌كى وه‌رانوه‌ر عراق و نه‌خشه‌ى سياسى عراق و ئاينده‌ى وزه‌ له‌ عراق و باوه‌ته‌يل تر.