هــــه‌واڵ كــوردى
پنتاگۆن: جه‌نگاوه‌ره‌يل كورد له‌وه‌ر شكانن په‌لاماره‌يل توركى روێ له‌ عه‌فرين كردنه‌

پنتاگۆن: جه‌نگاوه‌ره‌يل كورد له‌وه‌ر شكانن په‌لاماره‌يل توركى روێ له‌ عه‌فرين كردنه‌


شه‌فه‌ق نيوز/ وڵاته‌يل يه‌كگرتگ باس له‌وه‌ كرد، ك به‌شيگ له‌ جه‌نگاوه‌ره‌يل كورد له‌وانه‌گ ئه‌مريكا پشتگيرى له‌ليان ئه‌كا له‌ باكوور سوريا سه‌نگه‌ره‌يليان وه‌جى هيشتنه‌و روى له‌ عه‌فرين كردنه‌ ئه‌را ده‌سميه‌تداين هه‌ڤاڵه‌يليان له‌ روى وه‌ڕوى بوينه‌وه‌ى ئه‌و په‌لاماره‌يله‌ ك توركيا ئه‌نجاميان ئه‌ياد ئه‌را بان ناوچه‌يل كوردنشين.

 

له‌ى باوه‌ته‌و،، ئاژانس فرانس پرێس له‌ زووان روب مانينغ قسه‌كه‌ر وه‌ناو وزاره‌ت وه‌رگرى ئه‌مريكى(پنتاگۆن)وت: وسيان كرده‌وه‌يل سه‌ربازى له‌وه‌ر هووكاره‌يليگ جياجيا روێ ئه‌ياد و باس له‌وه‌يش كرد ك ئه‌ركه‌يل له‌ سوريا ئالشت نادێ و وسيان په‌لاماره‌يليش دژ ريكخرياگ ترۆريستى داعش ماناى ئه‌وه‌ نيه‌ چه‌و له‌و ريكخرياگ ترۆريستيه‌ بپووشيم.

 

جى باسه‌، له‌لايه‌ن خوه‌ييشه‌و رانكين غالواى قسه‌كه‌ريگ تر وه‌ناو پنتاگۆن وت: وڵاته‌يل يه‌كگرتگ وه‌رده‌وامه‌ له‌ جيوه‌جيكردن كرده‌وه‌يل سه‌ربازيه‌ تايبه‌ته‌گه‌ێ دژ ريكخرياگ ترۆريستى داعش و ئاماژه‌ وه‌يه‌يش كرد ك چگن جه‌نگاوه‌ره‌يل كورد ئه‌را عه‌فرين له‌وه‌ر ده‌سميه‌تداين ره‌فيقه‌يليانه‌و وه‌ئاگادارى وڵاته‌يل يه‌كگرتگ ئه‌نجام گرتگه‌.