شيعر
سه‌ونزه

سه‌ونزه


سه‌ونزه گرتگه دووسێ ، سه‌ونزه كه‌فتگه كووسێ

شه‌ماڵ خڕ خوه‌ێ ده ده‌ورێ ، شه‌ماڵ چێشتێ ها پووسێ

سه‌ونزه سه‌ونز كرد ئه‌و وه‌رێ، شه‌ماڵ چگ فام‌ سه‌رێ

ئه‌ۊ  قلاس ، دز زه‌ڕه ، ياى منێ وه گه‌وهه‌رێ

شه‌ماڵ پێچێ وه‌ پاێاو ، چزێ دا وه‌ گووناێاو

نه‌خشێ، شرينه‌ دامێ ، شه‌ماڵ يه‌كێ وه‌ لاێاو

شه‌ماڵ ديوانه‌ واره‌ ، دڵێ برد ئه‌و نازاره‌

كلوانگێ برد ئه‌ڕاێ ، سه‌ونزه‌ ده‌زۊران داره‌

شه‌ماڵ منێ وه‌ ئه‌ورێ ، وه‌سه‌ر هاتگه‌ سه‌ورێ

تواى زۊتر بوه‌ێگه‌ێ ، ونه‌ خوه‌ێ خه‌ێگه‌ هه‌ورێ

چگ و ده‌س خس ئه‌و ده‌سێ ، نوڕس وه‌ چيه‌م مه‌سێ

شه‌ماڵ سۊر سه‌ونزه‌ برد ، سه‌ونزه‌ بۊ وه‌ كول كه‌سێ

سمیه مهری