هــــه‌واڵ جیــهانى
هيزه‌يل سورى بوردمان "حه‌ويجه"‌ كردن و داواى ئازادكردن دو روسى ئه‌كه‌ن

هيزه‌يل سورى بوردمان "حه‌ويجه"‌ كردن و داواى ئازادكردن دو روسى ئه‌كه‌ن


شه‌فه‌ق نيوز/ چه‌ودير سورى ئه‌را مافه‌يل ئاده‌ميزاد، ئاشكراى كوشيان پياويگ و مناڵيگى كرد وه‌ل زه‌خمداربوين هاوسه‌رگه‌يشى له‌ ئاكام بوردمانيگ له‌لايه‌ن هيزه‌يل سوريه‌و ئه‌را بان ناوچه‌ى حه‌ه‌ويجه‌ گاتع ك ده‌يان مه‌ده‌نى له‌وانه‌گ له‌ جه‌نگ واينه‌ له‌ شار دێره‌زۆر له‌تى وجوود ديرن.

 

چه‌وديره‌گه‌ له‌ به‌ياننامه‌يگ ئه‌را(شه‌فه‌ق نيوز)وت: شماره‌ى كوشياگه‌يل بوينه‌سه‌ 3 كه‌س له‌ سه‌ره‌تاى ئه‌و بوردمانه‌ ئه‌را بان ناوچه‌گه‌و هيزه‌يل سورييش مكوڕن له‌بان جيوه‌جيكردن داواگه‌ى روسيا ئه‌را ئازادكردن دو كه‌س له‌ هيزه‌يل روسى ك له‌لايه‌ن ريكخرياگ ترۆريستى داعشه‌و له‌ په‌لاماره‌يليگ له‌ كووتايى مانگ ئه‌يلوول ده‌سگير كريانه‌.

 

جى باسه‌، چه‌وديره‌گه‌ هه‌ميش وت: ئى مكوڕبوينه‌ له‌بان جيوه‌جيكردن خواست روسى له‌يوا كردگه‌ هيزه‌يل سورى له‌ڕى پيه‌ڵه‌يل ئاويه‌و پيشڕه‌وى بكه‌ن وه‌ره‌و ده‌ورگرد حه‌ويجه‌ گاتع ك جوور دويرگه‌يگ ده‌رياچه‌ييه‌ له‌ ناوڕاس ئاو فورات.