شه‌فه‌ق نيوز/ رووژنامه‌ى ئه‌حوال توركى ئاشكراى كرد ك هيزه‌يل توركى وه‌ قويلايى 17 كم هانه‌ ناو خاكه‌يل عراقى و ده‌سكردنه‌سه‌ دامه‌زرانن ڕى و بنگه‌يل پيشكه‌كه‌فتگ هه‌ميشه‌يى له‌ناو خاكه‌يل عراقى.

رووژنامه‌گه‌ وت: مانگ گوزه‌يشت سوپاى توركى له‌شار عه‌فرين سورييش گه‌ردياد ئه‌را روى وه‌ڕوى بوينه‌وه‌ى يه‌كه‌يل پاسه‌وان ملله‌ت كورد ك له‌لايه‌ن وڵاته‌يل يه‌كگرتگ ئه‌مريكيه‌و پشتگيرى له‌لى ئه‌كريه‌ێد.

جى باسه‌، رووژنامه‌گه‌ باس له‌وه‌يش كرد ك حكومه‌ت توركى نياز خوه‌ى ده‌رخستگه‌ ئه‌را فراوانكردن كرده‌وه‌يل سه‌ربازى له‌ عراق و سوريا وه‌ مه‌هانه‌ى روى وه‌ڕوى بوينه‌وه‌ى پارت كارگه‌ره‌يل كوردستان.