هــــه‌واڵ عــیراق
مه‌عسوم و حه‌كيم باس متمانه‌و به‌سانن لاپه‌ڕه‌ى ناكووكى ناونى هه‌ولێر و به‌غدا كردن

مه‌عسوم و حه‌كيم باس متمانه‌و به‌سانن لاپه‌ڕه‌ى ناكووكى ناونى هه‌ولێر و به‌غدا كردن


شه‌فه‌ق نيوز/ فوئاد مه‌عسوم سه‌رۆك كۆمار و عه‌مار حه‌كيم سه‌رۆك ره‌وت ئه‌لحكمه‌ى نيشتمانى جه‌خت له‌ گرينگى بته‌وكردن متمانه‌و به‌سانن لاپه‌ڕه‌ى ناكووكيه‌يل ناونى هه‌ولێر و به‌غدا كردن ئه‌را چاره‌سه‌ر كيشه‌يل ناونيان.

 

له‌ى باوه‌ته‌و، نويسينگه‌ى سه‌رۆك كۆمار له‌ به‌ياننامه‌يگ ئه‌را(شه‌فه‌ق نيوز)وت: مه‌عسوم باس له‌ روێداگه‌يل سياسى و ئاسايشى له‌ وڵات و ناوچه‌گه‌ وه‌ل حه‌كيم كردگه‌و له‌و ديداره‌و دقه‌تيش له‌بان خواست هه‌ڵه‌په‌ڵه‌ له‌ بته‌وكردن متمانه‌ له‌ناونى هه‌ولێر و به‌غدا و به‌سانن لاپه‌ڕه‌ى ناكووكيه‌يل ناونيان و ده‌سوه‌پيكردن گفتگوو نزيك برايانه‌ كردنه‌.

 

جى باسه‌، به‌ياننامه‌گه‌ يه‌يش ده‌رخست ك له‌و ديداره‌ هه‌ردوگلا باسيش له‌ گرينگى قويله‌وكردن هاوكارى و له‌يه‌كڕه‌سينه‌وه‌يش كردنه‌ له‌ناونى پيكهاته‌يل كه‌ركوك ئه‌را چاره‌سه‌ر گشت كيشه‌يليگ ك تايبه‌ته‌ وه‌ پاريزگاگه‌ له‌بان ئاسته‌يل ئدارى و ئاسايشى و ئابوورى.