هــــه‌واڵ عــیراق
نه‌مسا 16 عراقى له‌ناو سه‌ياره‌يگ له‌ مه‌رزه‌گه‌ێ گرت

نه‌مسا 16 عراقى له‌ناو سه‌ياره‌يگ له‌ مه‌رزه‌گه‌ێ گرت


شه‌فه‌ق نيوز/ پۆليس نه‌مساوێ 22 كه‌س ديه‌و له‌وانه‌گ داواێ په‌نابه‌رێ كردنه‌ ك عراق و سوورى بوينه‌ له‌ناو سه‌ياره‌يگ بارهه‌ڵگر له‌ نزيك مه‌رزه‌يل خوه‌رهه‌ڵات وڵاته‌گه‌ێ.

 

له‌ى باوه‌ته‌و، جوور ئه‌وه‌گ تووڕ ئه‌ى بى سى ئه‌مريكى باس له‌لى كرد، پۆليس "بورجنلاند" نه‌مساوێ وت: ئه‌و سه‌ياره‌ ك شماره‌ى رۆمانى داشتگه‌ دويه‌كه‌ ئيواره‌ گير درياگه‌ له‌ يه‌كيگ له‌ ئاوايه‌يل نزيك مه‌رزه‌يل وه‌ل مه‌جه‌ر و 13 پياگ و دو ژن و مناڵيگ له‌تى بويه‌ ك گشتيان خه‌ڵك عراق بوينه‌ وه‌ل شه‌ش كه‌س تر له‌ سوريا.

 

جى باسه‌، پۆليس هه‌ميش وت: ئه‌و شوفێر رۆمانيه‌ گيرياگه‌ ك ته‌مه‌نى 40 ساڵه‌و سه‌ياره‌گه‌يش ده‌سوه‌سه‌ر كرياگه‌.