هــــه‌واڵ عــیراق
ئه‌نداميگ: عبادى پۆسته‌گه‌ێ ئه‌را پشتگيرى كانديده‌يل ليسته‌گه‌ێ وه‌كار ئه‌يه‌رێد

ئه‌نداميگ: عبادى پۆسته‌گه‌ێ ئه‌را پشتگيرى كانديده‌يل ليسته‌گه‌ێ وه‌كار ئه‌يه‌رێد


شه‌فه‌ق نيوز/ ماجد شه‌نگاڵى ئه‌ندام له‌بان پاريزگاى نه‌ينه‌وا، ره‌خنه‌ له‌وه‌ گرت ك حه‌يده‌ر عبادى سه‌رۆك وه‌زيره‌يل عراقى ئستغلال پۆستگه‌ى ئه‌كا ئه‌را پشتگيرى كانديده‌يل له‌ ليسته‌گه‌ێ و ئاماژه‌ وه‌يه‌يش كرد ئى ره‌فتاره‌يله‌ جى گه‌مه‌بازى و سوخريه‌ته‌ و چه‌واشه‌ى سيستم هه‌ڵوژاردنه‌يل و مه‌رجه‌يل كانديدكردنه‌.

 

شه‌نگاڵى له‌ به‌ياننامه‌يگ ئه‌را شه‌فه‌ق نيوز وت: سه‌رۆك وه‌زيره‌يل ئه‌گه‌ر بخوازێ وه‌ڕاسى ئه‌و كه‌سه‌يله‌ بارێده‌و ك كارمه‌ند بوينه‌ له‌ وزاره‌ته‌يل ئاسايشى و گريه‌به‌سه‌يليان هه‌ڵوشياسه‌و بايه‌سه‌ بڕياريگ ده‌ربكاو گشت پاريزگايه‌يل بگرێده‌وه‌و جيوه‌جى بكريه‌ێد له‌ هه‌ردوگ وزاره‌ت وه‌رگرى و ناوخوه‌يى.

 

جى باسه‌، شه‌نگاڵى هه‌ميش وت: عبادى ره‌زامه‌نى له‌بان داواكارييگ نيشانداگه‌ ك له‌لايه‌ن كانديديگ له‌ ليسته‌گه‌يه‌و پيشكه‌ش كرياگه‌ له‌ وه‌ختيگ ك ده‌يان داواكارى تر له‌ كه‌سه‌يل تره‌و له‌ نه‌ينه‌واو باقى پاريزگايه‌يل تر هيمان بى جواون.