هــــه‌واڵ عــیراق
174 ترۆريست توركى خوه‌يان ته‌سليم وه‌ هيزه‌يل عراقى كردنه‌

174 ترۆريست توركى خوه‌يان ته‌سليم وه‌ هيزه‌يل عراقى كردنه‌


شه‌فه‌ق نيوز/ رووژنامه‌ێ حوڕيه‌ت توركى ئاشكراێ ئه‌وه‌ كرد ك 174 ترۆريست توركى سه‌ر وه‌ ريكخرياگ ترۆريستى داعش خوه‌يان ته‌سليم وه‌ سوپاێ عراقى و حه‌شد شه‌عبى و پێشمه‌رگه‌ كردنه‌ له‌ سه‌ره‌تاێ ئازادكردن هه‌ردوگ شار موسڵ و ته‌لعه‌فه‌ر تائيسه‌.

 

رووژنامه‌گه‌ وت: ئاژانس هه‌واڵگرێ نيشتمانى توركى (MİT) حاڵ حازر دقه‌ت له‌ ناو ئه‌و ترۆريسته‌يله‌ ئه‌كا ك خوه‌يان و خيزانه‌يليان ته‌سليم وه‌ هيزه‌يل ئاسايشى عراقى بوينه‌.

 

جى باسه‌، رووژنامه‌گه‌ هه‌ميش وت: ئه‌و چه‌كداره‌يل ترۆريستيه‌ ك واينه‌ له‌شوون شكه‌ست داعش له‌ عراق و واين وه‌رده‌واميان له‌ سوريا، شايه‌ت له‌ هاتنيان وه‌ره‌و توركيا سه‌ربكه‌فن له‌ڕێ قاچاخچيه‌يليگه‌و ك مه‌ردم ئه‌يه‌رن و جيواز ئه‌كه‌ن.