هــــه‌واڵ عــیراق
ئه‌مريكا ئاشكراى مه‌ندنه‌وه‌ى هيزه‌يلێ كرد له‌ عراق ئه‌را وه‌خته‌يل فريه‌يگ

ئه‌مريكا ئاشكراى مه‌ندنه‌وه‌ى هيزه‌يلێ كرد له‌ عراق ئه‌را وه‌خته‌يل فريه‌يگ


شه‌فه‌ق نيوز/ له راپۆرتيگ ك له‌لايه‌ن وه‌زاره‌ت وه‌رگرى ئه‌مريكييه‌و ده‌رچيه‌ جه‌خت له‌وه‌ ئه‌كا ك هيزه‌يل ئه‌مريكى له‌ عراق ئه‌را ماوه‌ى فريه‌ دريژيگ ئه‌ميننه‌و له‌وه‌ر جيوه‌جيكردن ئامانجه‌يليان.

 

راپۆرته‌گه‌ باس له‌ مه‌زه‌نه‌يل پنتاگۆن ئه‌كا ئه‌را كرده‌وه‌يل سه‌ربازێ له‌ ناوچه‌ى خوه‌رهه‌ڵات ناوين وه‌ تايبه‌ت له‌ عراق و سورياو باس له‌وه‌يش ئه‌كا هيزه‌يل ديموكرات سوريا ك لايه‌نگر ئه‌مريكاس كۆنترۆڵ شوونه‌يليگ كردگه‌ له‌ باكوور و باكوور خوه‌رهه‌ڵات سوريا و بارودوخى وه‌ ته‌واوى له‌بار نيه‌ ئه‌را په‌لامارداين داعش وه‌بى پشتگيرى هيزه‌يل هاوپه‌يمان وه‌ سه‌رۆكايه‌ى واشنۆن.

 

جى باسه‌، وه‌زاره‌ت وه‌رگرى ئه‌مريكى جه‌خت له‌وه‌يش كرد ك وجوود رووسى له‌ سوريا هووكاريگه‌ ئه‌را شيوانن سه‌قامگيرى له‌و وڵاته‌و له‌باره‌ى وجوود ئيرانيش له‌ سوريا وت: سزايه‌يل ئه‌مريكا له‌بان ئيران كاريگه‌رى ديارييگ ديرێد له‌بان تواناى كاركردن ئيران له‌ سورياو جوور جاران ئه‌و جموجويليه‌ نه‌مه‌ندگه‌.