هــــه‌واڵ عــیراق
رووژنامه‌يگ داواكارييگ عبادى له‌ ترامپ ئاشكرا كرد

رووژنامه‌يگ داواكارييگ عبادى له‌ ترامپ ئاشكرا كرد


شه‌فه‌ق نيوز/ رووژنامه‌ى ئه‌لغه‌د ئوردنى، ئه‌وه‌ ده‌رخست ك حه‌يده‌ر عبادى سه‌رۆك وه‌زيره‌يل عراقى له‌وه‌خت په‌يوه‌نديى وه‌ل دوناڵد ترامپ سه‌رۆك ئه‌مريكى داواى پشتگيرى و هاوكارى فيشتر له‌لى كردگه‌ ئه‌را كۆنترۆڵكردن مه‌رزه‌يل سورى - عراقى له‌وه‌ر نزاگرتن له‌ هاتن تيرۆريسته‌يل ئه‌را ناو خاكه‌يل عراقى.

 

رووژنامه‌گه‌ له‌ زووان سه‌رچه‌وه‌يل عراقى ئاماژه‌ وه‌ داواكارى فيشتر له‌ هاوكارى ئه‌منى و هه‌واڵگرى له‌ سه‌رۆك ئه‌مريكى كرد وه‌خاتر شكه‌ستهاوردن وه‌ هه‌ر جموجويليگ تيرۆريستى ك شار و ناوچه‌يل مه‌رزێ بگرێد ئامانج ئه‌را ناين كاريگه‌رى له‌بان بارودوخ ئاسايشى وه‌شيوه‌يگ گشتى و ريڕه‌و هه‌ڵوژاردنه‌يل ئاينده‌ وه‌تايبه‌ت.

 

جى باسه‌، حاڵ حازر، هيزه‌يل فراوانيگ له‌ پۆليس و سوپاى عراقى و حه‌شد شه‌عبى له‌بان مه‌رزه‌يل بڵاو بوينه‌ ئه‌را نواگرتن له‌هه‌ر هه‌وڵيگ په‌لامارداين يا هاتن تيرۆريسته‌يل له‌ناو خاكه‌يل سورييه‌و ئه‌را ناو خاكه‌يل عراقى.