هــــه‌واڵ عــیراق
عه‌بادى وه‌رپرسه‌يل تر ره‌وانه‌ى ده‌سپاكى ئه‌كاو وه‌زيره‌يليگ له‌كار لاوه‌ێد

عه‌بادى وه‌رپرسه‌يل تر ره‌وانه‌ى ده‌سپاكى ئه‌كاو وه‌زيره‌يليگ له‌كار لاوه‌ێد


شه‌فه‌ق نيوز/ سه‌رچه‌وه‌يل سياسى باس له‌وه‌ كردن عه‌بادى بڕيگ تر ناو وه‌رپرس باڵا ره‌وانه‌ى ده‌سه‌ى ده‌سپاكى كردگه‌ له‌ چوارچێوه‌ى به‌رنامه‌ى له‌ناوبردت گه‌ناته‌كارى و له‌وانه‌يش محه‌مه‌د تميمى وه‌زير وه‌رين په‌روه‌رده‌ له‌ حكومه‌ت دويه‌م نورى مالكى2010 -2014و سه‌رۆك ليژنه‌ى دارايى.

 

له‌ى باوه‌ته‌و رووژنامه‌ى ئه‌خبار لوبنانى له‌ زووان سه‌رچه‌وه‌يليگ وت: كه‌سه‌يل دويه‌م و سێيه‌م ك ره‌وانه‌ى ده‌سه‌ى ده‌سپاكى كريان پيكهاتنه‌ له‌: محه‌مه‌د ساحب ده‌ڕاجى وه‌زير وه‌رين ئاوه‌دانى و نيشته‌جيكردن و ئه‌حمه‌د ناسر كه‌ربولى وه‌زير وه‌رين پيشه‌سازى و كانزايه‌يل له‌ حكومه‌ت يه‌كه‌م نورى مالكى 2006 - 2010، ك دادگا حوكم چوار ساڵ زيندانى له‌بانى ده‌ركرد وه‌ گووره‌ى مادده‌ى 341 له‌ ياساى سزايه‌يل.

 

ئه‌و سه‌رچه‌وه‌يله‌ يه‌يش ده‌رخستنه‌ ك ئه‌وانه‌گ ره‌وانه‌ى ده‌سپاكى كريانه‌ سه‌ر وه‌ حزب ده‌عوه‌ى فه‌رمانڕه‌وا نين و باس له‌وه‌يش كردنه‌ عه‌بادى وه‌زيره‌يل تر له‌كار لاوه‌ێد و له‌وانه‌يش محه‌مه‌د ئقبال سه‌يده‌لى وه‌زير په‌روه‌رده‌ و عه‌ديله‌ حمود وه‌زير ته‌ندروستى و كازم فنجان حه‌مامى وه‌زير جيوازكردن بيجگه‌ ئه‌سعه‌د عيدانى پاريزگار به‌سره‌ و عه‌لى ده‌واى پاريزگار ميسان و زكرا عه‌لوه‌ش ئه‌ميندار به‌غدا.