هــــه‌واڵ عــیراق
عه‌بادى دوسيه‌ى 50 وه‌رپرس هه‌واڵه‌ى ده‌سپاكى ئه‌كا

عه‌بادى دوسيه‌ى 50 وه‌رپرس هه‌واڵه‌ى ده‌سپاكى ئه‌كا


شه‌فه‌ق نيوز/ سه‌رچه‌وه‌يليگ نزيك له‌ نويسينگه‌ى حه‌يده‌ر عه‌بادى سه‌رۆك وه‌زيره‌يل، باس له‌وه‌ كردن ك سه‌رۆك حكومه‌ت خه‌ريكه‌ دوسيه‌ى 50 وه‌رپرس گه‌ورا هه‌واڵه‌ى ده‌سه‌ى ده‌سپاكى ئه‌را په‌يجوورى وه‌ بوونه‌ى گومانكردن و خراوى ئداره‌كردنيان و له‌ناونيانيش وه‌زيره‌يل و بريكار وه‌زيره‌يليگ وجوود ديرن.

 

له‌ى باوه‌ته‌و، ئحسان شه‌مه‌رى سه‌رۆك ناوه‌ند هويركردن سياسى ك نزيكه‌ له‌ سه‌رۆك وه‌زيره‌يل عراقى له‌ لێدوانيگ ئه‌را شه‌رقولئه‌وسه‌ت وت: ئى رێ وشوونه‌ وه‌ختيگ فيشتر ئه‌خوازێد له‌وه‌ر شيواز ئه‌و دوسيه‌يله‌ ك به‌رزه‌و كريانه‌و ئه‌و كرده‌وه‌يل دقه‌تكردن و مراجعه‌تكردنه‌و ئه‌و وه‌پرسه‌يليشه‌ ك هه‌واڵه‌ى ده‌سپاكى كريانه‌ پۆسته‌يليان ها ناونى وه‌زير و بريكار وه‌زير و وه‌ريه‌وبه‌ره‌يل گشتى له‌ ده‌زگايه‌يل جياجياى ده‌وڵه‌ت.

 

جى باسه‌، زوتريش عه‌بادى له‌ كۆنگره‌يگ رووژنامه‌گه‌رى وت: هه‌ڵمه‌تيگ بنه‌ڕه‌تى ديريم دژ گه‌ناته‌كارى و هه‌واڵه‌كردن گه‌ناته‌كاره‌يل ئه‌را ده‌سپاكى و له‌ى نزيكه‌يليشه‌ ئه‌و كاره‌يله‌ ك له‌ى باوه‌ته‌و ئه‌نجام دايمنه‌ بڵاو ئه‌كه‌يم.