هــــه‌واڵ جیــهانى
21 كورد له‌ بريتانيا ده‌سگير كريان

21 كورد له‌ بريتانيا ده‌سگير كريان


شه‌فه‌ق نيوز/ پۆليس ناوچه‌ێ تيسايد له‌ شار ميدلزبره‌ى بريتانى، 21 هاووڵاتى كورد له‌ هه‌رێم كوردستان وه‌ تومه‌ت بازرگانيكردن وه‌ به‌شه‌ر ده‌سگير كرد.

 

له‌ى باوه‌ته‌و، مارك سبورس وه‌رپرس ئه‌و هه‌ڵمه‌ته‌ ك پۆليس بريتانى ئه‌نجامى دا ئه‌را هووكاره‌يل ره‌سانن وڵاته‌گه‌ وت: ئى چه‌ته‌يله‌ له‌ژير چه‌ودێرى بوينه‌ ك شماره‌يان 21 كه‌س بوينه‌و گشتيانيش ده‌سگير كريانه‌.

 

جى باسه‌، سبورس هه‌ميش وت: له‌وه‌ر وجوود شماره‌ێ فريه‌يگ له‌ كورده‌يل عراق له‌ ناوچه‌گه‌، ئه‌گه‌ره‌يل ئه‌وه‌ هه‌س ك ناوه‌ند سه‌ره‌كى ته‌هريبكردن ئاده‌ميزاد له‌ ئۆرپا له‌و ناوچه‌ بدێ و پۆليس بريتانييش ئه‌وه‌ ده‌رخست ك ئه‌و چه‌ته‌يله‌ له‌ 6 تا 10 هه‌زار جونه‌ى ئسترلينى له‌ هه‌ر كووچكه‌ريگ ئه‌را ئۆرپا سينن وه‌خاتر بردنيان.