هــــه‌واڵ كــوردى
ته‌ياره‌يل توركى كويه‌يل هه‌رێم كوردستان بوردمان كردن

ته‌ياره‌يل توركى كويه‌يل هه‌رێم كوردستان بوردمان كردن


شه‌فه‌ق نيوز/ وه‌رپرسيگ ناوچه‌يى ئه‌وه‌ ده‌رخست ك ته‌ياره‌يل جه‌نگى توركى ئه‌را جار دويه‌م له‌ سه‌ره‌تاى ئى مانگه‌ تائيسه‌ ناوچه‌يل شاخاوى له‌ كوردستان عراق گرتنه‌ ئامانج نزيك له‌ مه‌رزه‌يل ئيرانى ك جه‌نگاوه‌ره‌يل له‌ كورد ئيران و توركيا له‌تيان وجوود ديرن.

 

له‌ى باوه‌ته‌و، كامه‌ران حه‌سه‌ن قايمقام ه‌زاى ماوه‌ت وت: ئه‌را جار دويه‌مه‌ له‌ ماوه‌ى 10 رووژ ك ته‌ياره‌يل جه‌نگى توركى بوردمان كويه‌ى ئاسۆس سه‌ر وه‌ قه‌زاى ماوه‌ى ئه‌كه‌ن له‌ نزيك مه‌رز ئيران ك 55 كم دويره‌ له‌ باكوور شار سلێمانى.

 

جى باسه‌، حه‌سه‌ن هه‌ميش وت: ئه‌و بوردمانه‌ ئه‌را ماوه‌ى 45 ده‌قه‌ وه‌رده‌وام بويه‌، ك يه‌يش دريژترين و سه‌ختترين ماوه‌ بويه‌ له‌چه‌و بوردمانه‌يل گوزه‌يشته‌، وه‌لێ هويچ قوربانييگ له‌لى نه‌كه‌فته‌سه‌و.