هــــه‌واڵ عــیراق
ئه‌مريكا نگه‌رانه‌ له‌ ناچاركردن كووچبه‌ره‌يل ئه‌را ده‌رچگن له‌ كه‌مپه‌يليان

ئه‌مريكا نگه‌رانه‌ له‌ ناچاركردن كووچبه‌ره‌يل ئه‌را ده‌رچگن له‌ كه‌مپه‌يليان


شه‌فه‌ق نيوز/ باڵوێزخانه‌ى ئه‌مريكى له‌ به‌غدا، نگه‌رانى خوه‌ى ده‌رخست له‌ وه‌رانوه‌ر وجوود حاڵه‌ته‌يل ناچاركردن كووچبه‌ره‌يل له‌وه‌ر وه‌جيهيشتن كه‌مپه‌يليان و داوايش له‌ حكومه‌ت ناوه‌ندى و ده‌سڵاته‌يل ناوچه‌يى كرد زه‌مانه‌ت گله‌وخواردن كووچبه‌ره‌يل بكه‌ن له‌وانه‌گ وه‌مه‌يل خوه‌يان گله‌و ئه‌خوه‌ن.

 

باڵوێزخانه‌گه‌ له‌ به‌ياننامه‌يگ ئه‌را(شه‌فه‌ق نيوز)له‌نوو جه‌خت له‌وه‌ كرد ك حكومه‌ت وڵاته‌يل يه‌كگرتگ پشتگيرى له‌ گله‌وخواردن وه‌ زه‌مانه‌ت و ئاره‌زووانه‌ى كووچبه‌ره‌يل ئه‌كا ك وه‌ بوونه‌ى كرده‌وه‌يل سه‌ربازيه‌و دژ ريكخرياگ ترۆريستى داعش كووچ كردنه‌.

 

جى باسه‌، باڵوێزخانه‌گه‌ هه‌ميش وت: وه‌ نگه‌رانى فريه‌يگه‌و چه‌وديرێ ئه‌و راپۆرته‌يله‌ ئه‌كا ك باس له‌ حاڵه‌ته‌يل ناچاركردن كووچبه‌ره‌يل ئه‌كه‌ن ئه‌را ده‌رچگن له‌ كه‌مپه‌يل له‌ پاريزگاى ئه‌نبار و ناوچه‌يل تر و له‌وانه‌يش له‌ شوونه‌يليگ له‌ سه‌ڵاحه‌دين.