هــــه‌واڵ كــوردى
په‌يكه‌ر توركمان له‌ هه‌ولێر دامه‌زريه‌ێد

په‌يكه‌ر توركمان له‌ هه‌ولێر دامه‌زريه‌ێد


شه‌فه‌ق نيوز/ بڕياره‌ توركمان په‌يكه‌ريگ يادگارى ئه‌را ئه‌و قوربانيه‌يلينانه‌ دامه‌زرنن ك رژيم وه‌رين به‌عس له‌ راپه‌ڕين ساڵ 1991 داره‌يان له‌سێداره‌، ئه‌ويش له‌وه‌ر ئه‌وه‌گ بدێده‌ ره‌مزيگ ئه‌را مه‌زڵوميه‌ت و ساڵياديان.

 

له‌ى باوه‌ته‌و، ئه‌تيلا ئاغا ئه‌ندام كۆمه‌ڵه‌ى شه‌هيده‌يل توركمان له‌ كه‌ركوك وت: كاره‌يل دامه‌زرانن په‌يكه‌ر تايبه‌ت وه‌ قوربانيه‌يل توركمان له‌ ئاڵتون كۆپرى ره‌سيه‌ دويا قوناغه‌يلى و ئمساڵ له‌لاى ئه‌و په‌يكه‌ره‌ ساڵياد قوربانيه‌يل ئه‌نجام ئه‌دريه‌ێد.

 

جى باسه‌، رژيم وه‌رين له‌ 28 ئادار 1991 له‌وه‌خت كرده‌وه‌يل تۆڵه‌كردنه‌وه‌ له‌ مه‌ردم راپه‌ڕينكار له‌ ئاڵتون كۆپرى سه‌ر وه‌ پاريزگاى هه‌ولێر 100 كه‌س مه‌ده‌نى توركمانى ده‌سگير كرد و وه‌گوله‌ كوشته‌يان له‌ نزيك قه‌ورسانيگ له‌ناونى ئاڵون كۆپرى و دبس، ك ساڵانه‌ كه‌س و كار ئه‌و قوربانيه‌يله‌ له‌لاى ئه‌و قه‌ورسانه‌ ياد قوربانيه‌يليان ئه‌كه‌ن.