هــــه‌واڵ كــوردى
گه‌ورايگ عه‌ره‌ب رينمايى سه‌ركرده‌يل سنى ئه‌كا سڵايان بيه‌نه‌ ده‌س خاوه‌ن خاسى گه‌ورا

گه‌ورايگ عه‌ره‌ب رينمايى سه‌ركرده‌يل سنى ئه‌كا سڵايان بيه‌نه‌ ده‌س خاوه‌ن خاسى گه‌ورا


شه‌فه‌ق نيوز/ مزاحم ئه‌لحوێت قسه‌كه‌ر وه‌ناو عه‌شاير عه‌ره‌ب له‌ ناوچه‌يل كيشه‌له‌سه‌ر، روێ ره‌خنه‌يلێ كرده‌ سه‌ركرده‌يل سنى له‌ عراق و داوا له‌له‌يان كرد دوسيه‌ى سياسى پيكهاته‌گه‌ بيه‌نه‌ ده‌س مه‌سعود بارزانى سه‌رۆك پارت ديموكرات كوردستان.

 

ئه‌لحوێت له‌ لێدوانيگ ئه‌را شه‌فه‌ق نيوز وت: سه‌ركرده‌يل عه‌ره‌ب سنى ئه‌قڵيان له‌ده‌سدانه‌و بوينه‌سه‌ ناوداررين بازرگانه‌يل ناسرياێ له‌ جه‌هان له‌ڕێ بازرگانيكردنيان وه‌ عه‌ره‌ب سنى ئه‌را وه‌ده‌سهاوردن پۆسته‌يل تايبه‌ت وه‌ خوه‌يان و هه‌ر وه‌و ئيچنه‌ ره‌فتاره‌يليگ بازرگانى خاتريشه‌ عه‌يبه‌ ئه‌رايان و ناو عه‌ره‌ب زڕنێد له‌ناونى ملله‌ته‌يل جه‌هان.

 

ئه‌لحوێت وت: وه‌رجه‌ هه‌ڵوژاردنه‌يل رينمايى سه‌ركرده‌يل عه‌ره‌ب سنى كرديمنه‌ ده‌سيان بخه‌نه‌ ناو ده‌س مه‌سعود بارزانى خاون خاسى گه‌ورا له‌بان رووڵه‌يل گشت پيكهاته‌يل.

 

قسه‌كه‌ر وه‌ناو عه‌شاير عه‌ره‌ب پرسيار ئه‌وه‌يش كرد و وت: ئايا ئه‌و سه‌ركرده‌يل رازيين له‌بان ره‌فتاره‌يليگ ك سه‌ليم جبورى وه‌ل بڕيگ له‌ وه‌كراگيرياگه‌يل ئه‌نجامى ئه‌ياد و هه‌ميش وت: جبورى بايه‌سه‌ جورم بكريه‌ێد وه‌ ئه‌وه‌گ پياويگ خيانه‌تكاره‌و له‌لايه‌ن ئه‌جنداى ده‌ره‌كييه‌و هان ئه‌دريه‌ێد ئه‌را دروسكردن ئاژاوه‌ى تايفى و ده‌مداين جه‌نگ ناوخوه‌يى له‌ناونى رووڵه‌يل ملله‌ت عراق.