هــــه‌واڵ كــوردى
كۆسره‌ت ره‌سول دو خاڵ چاره‌نويسساز ئه‌را ئاينده‌ێ كورد ديارێ كرد

كۆسره‌ت ره‌سول دو خاڵ چاره‌نويسساز ئه‌را ئاينده‌ێ كورد ديارێ كرد


شه‌فه‌ق نيوز/ كۆسره‌ت ره‌سول جيگر ئه‌ميندار گشتى يه‌كێتى نيشتمانى كوردستان، جه‌خت له‌ گرينگى يه‌كخستن ده‌نگ كورد كرد له‌ هه‌ڵوژاردنه‌يل ئاينده‌.

 

له‌ى باوه‌ته‌و، يه‌كێتى نيشتمانى له‌ به‌ياننامه‌يگ ئه‌را شه‌فه‌ق نيوز وت: ره‌سول له‌ سلێمانى پيشوازێ له‌ تونا ئالرس باڵوێز تازه‌ێ نه‌رويجى له‌ ئوردن و عراق و ئانيتا كلوسن سكرتێر يه‌كه‌م باڵويزخانه‌ێ نه‌رويجێ له‌ ئوردن كردگه‌و له‌و ديداره‌ باس‌ بارودوخ له‌ عراق و هه‌رێم كوردستان و په‌ويه‌نديه‌يل ناونى هه‌ولێر و به‌غدا كردنه‌و هه‌ردوگلا جه‌ختيش له‌بان ئه‌وه‌ كردنه‌ ك ده‌ستوور ته‌نيا ڕييگه‌ ئه‌را چاره‌سه‌ر كيشه‌يل.

 

جى باسه‌، به‌ياننامه‌گه‌ هه‌ميش وت: كۆسره‌ت ره‌سول له‌و ديداره‌ بارودوخ هه‌رێم كردگه‌و باسيش له‌وه‌ كردگه‌ ك يه‌كڕزى و يه‌كده‌نگى كورد له‌ خاڵه‌يل گرينگ هه‌ڵوژاردنه‌يل ئاينده‌ن.