هــــه‌واڵ كــوردى
خارجيه‌ێ ئه‌مريكا ناوه‌ڕوك په‌يوه‌نديه‌ ته‌له‌فۆنيه‌گه‌ێ ناونى په‌مپيۆ و بارزانى ده‌رخست

خارجيه‌ێ ئه‌مريكا ناوه‌ڕوك په‌يوه‌نديه‌ ته‌له‌فۆنيه‌گه‌ێ ناونى په‌مپيۆ و بارزانى ده‌رخست


شه‌فه‌ق نيوز/ مايكك په‌مپيۆ وه‌زير خارجيه‌ى ئه‌مريكا له‌ په‌يوه‌ندييگ ته‌له‌فۆنى وه‌ل مه‌سعود بارزانى سه‌رۆك پارت ديموكرات كوردستان داواى دامه‌زرانن حكومه‌ت تازه‌ى هه‌رێم كوردستان كرد وه‌ زويترين وه‌خت.

 

رۆبه‌رت بالادينۆ قسه‌كه‌ر وه‌ناو وه‌زاره‌ته‌گه‌ ئه‌را رووژنامه‌نويسه‌يل وت: په‌مپيۆ له‌و په‌يوه‌ندى ته‌له‌فۆنيه‌ جه‌خت له‌بان گرنگى دامه‌زرانن حكومه‌ت هه‌رێم كوردستان كردگه‌ تا جواو داواكارى و خواسته‌يل ملله‌ت كوردستان عراق بدريه‌ێده‌و.

 

ئاماژه‌ وه‌يه‌يش كرد په‌مپيۆ ئه‌را بارزانى جه‌خت له‌ خواست وڵاته‌يل يه‌كگرتگ ئه‌مريكا كردگه‌ ئه‌را كار وه‌ل عراق وه‌ داوه‌تيگ له‌ ده‌سه‌ڵاته‌يل له‌وه‌ر له‌ناوردن ريكخرياگ تيرۆريستى داعش.