هــــه‌واڵ عــیراق
عبادی: وه‌ هەمان شيوەی داعش روى وه‌ڕوى گه‌ناته‌كاره‌يل بويمنه‌وه‌

عبادی: وه‌ هەمان شيوەی داعش روى وه‌ڕوى گه‌ناته‌كاره‌يل بويمنه‌وه‌


 شه‌فه‌ق نيوز/ حه‌يده‌ر عبادى سه‌رۆك وه‌زيره‌يل عراقى ئاشكراى ئه‌وه‌ كرد ك گامه‌يل خاسيگ نرياگه‌ له‌ بنبڕكردن گه‌ناته‌كارى و جه‌ختيش له‌وه‌ كرد ك وه‌هه‌مان شيوه‌ى روى وه‌ڕوى بوينه‌وه‌ى داعش روى وه‌ڕوى گه‌ناته‌كاره‌يليش بوونه‌وه‌.

 

عبادى له‌ وته‌يگى له‌وه‌خت ئاهه‌نگ ده‌رچگن خوه‌ندكاره‌يل زانكۆ به‌غدا وت: عراق له‌ڕوى سه‌ربازيه‌وه‌ وه‌رانوه‌ر داعش سه‌ركه‌فتن وه‌ده‌سهاورد و ئيسه‌يش داعش له‌ عراق كووتايى هاتگه‌، وه‌لێ بايه‌سه‌ له‌ هه‌مان وه‌خت وه‌ردوه‌وام بويمن له‌ روى وه‌ڕوى بوينه‌وه‌ى ترۆر، چوينكه‌ هيمان تائيسه‌ مه‌ترسى هه‌ر مه‌ندگه‌.

 

جى باسه‌، عبادى باس له‌وه‌يش كرد ك دامه‌زرياگه‌يل ده‌وڵه‌ت گرفتار گه‌ناته‌كارى قورس هاتنه‌و ئه‌را ئى كاريشه‌ به‌رنامه‌ى روى وه‌ڕوى بوينه‌وه‌ى گه‌ناته‌رى دانرياگه‌و ك وه‌قسه‌ى خوه‌ى بڕيگ له‌و گه‌ناته‌كاره‌يليشه‌ خاوه‌ن دارايى و ره‌سانن ئه‌را شيوانن راسيه‌يل.