هــــه‌واڵ عــیراق
ده‌يان كه‌س خه‌ڵك بابل له‌ ئيران مردن و زه‌خمدار بوين

ده‌يان كه‌س خه‌ڵك بابل له‌ ئيران مردن و زه‌خمدار بوين


شه‌فه‌ق نيوز/ وه‌زاره‌ت خارجيه‌ى عراقى، ئاشكراى كوشيان 5 كه‌س و زه‌خمداربوين شماره‌يگ تر كرد له‌ئاكام قه‌ڵبه‌وبوين سه‌ياره‌يگ ك زياره‌تچيه‌يل عراقى جيواز كردگه‌ له‌ئيران.

 

خارجيه‌ى عراقى له‌ به‌ياننامه‌يگ ك شه‌فه‌ق نيوز ئاگادارێ بوى، وت: سه‌ياره‌يگ ك زياره‌تچيه‌يل له‌پاريزگاى بابله‌و جيواز كردگه‌ تويش روێداگيگ هاتوچوو هاتگه‌ له‌ناونى هه‌ردوگ شار مه‌شهه‌د و ئه‌سفه‌هان.

 

به‌ياننامه‌گه‌ يه‌يش ده‌رخست له‌و روێداگه‌ 5 عراقى مردنه‌و 24 كه‌سيش زه‌خمدار بوينه‌و له‌ناونيشان حاڵه‌ته‌يليگ هه‌ن خه‌ته‌رناك و باس له‌وه‌يش كرد ك زه‌خمداره‌يل جيواز كريانه‌ ئه‌را نه‌خوه‌شخانه‌ى سه‌بزه‌وار.