هــــه‌واڵ عــیراق
خه‌زانه‌ێ ئه‌مريكى كومپانياێگ عراقى خسته‌ ليست سيه‌

خه‌زانه‌ێ ئه‌مريكى كومپانياێگ عراقى خسته‌ ليست سيه‌


شه‌فه‌ق نيوز/ وزاره‌ت خه‌زانه‌ێ ئه‌مريكى، كومپانياێ هه‌واڵه‌كردن دارايى له‌ پاريزگاێ ئه‌نبار خسته‌ ليست سيه‌ وه‌ تومه‌ت ئه‌وه‌گ پشتگيرى له‌ گرووپه‌يل تونڕه‌و ترۆريستى كردگه‌.

 

له‌ى باوه‌ته‌و، بانك ناوه‌ندى عراقى له‌ به‌ياننامه‌يگ ئه‌را(شه‌فه‌ق نيوز)وت: نويسينگه‌ێ چه‌وديرێ ئسووڵ بيگانه‌ له‌ وزاره‌ت خه‌زانه‌ێ ئه‌مريكى، كومپانياێ(الكوثر (EIQ1987/3) و (عومه‌ر مه‌حمود ره‌حيم ئه‌لكوبه‌يسى)خاوه‌نيشى له‌ قه‌زاێ ئه‌لقائم له‌ پاريزگاى ئه‌نبار خسته‌سه‌ ليست سيه‌ له‌وه‌ر ئه‌وه‌گ پشتگيرى و ته‌مويل لايه‌نه‌يل ترۆر جوور داعش و ئه‌لقاعيده‌ كردگه‌.

 

جى باسه‌، ئه‌يسه‌ر جه‌بار قسه‌كه‌ر وه‌ناو بانك ناوه‌ندى وت: ئى كاره‌ له‌ چوارچيوه‌ى ڕى و شوونه‌يل په‌يجوريكردنه‌ ك وزاره‌ت خه‌زانه‌ێ ئه‌مريكى ئه‌نجامى ئه‌ياد وه‌ ريككه‌فتن وه‌ل بانك ناوه‌ندى ئه‌را زه‌مانه‌ت ئه‌وه‌گ دارايى نه‌ڕه‌سێده‌ ده‌س ريكخرياگ ترۆريستى داعش.