هــــه‌واڵ عــیراق
شاند عراق سه‌ردان سعوديه‌ ئه‌كا

شاند عراق سه‌ردان سعوديه‌ ئه‌كا


شه‌فه‌ق نيوز/ وزاره‌ت خارجيه‌ى عراقى، ئاشكراى ئه‌وه‌ كرد ك سوو يه‌كشه‌ممه‌ شانديگ فه‌رمى سه‌ردان شانشين عه‌ره‌بى سعودى ئه‌كا.

 

خارجيه‌ى عراقى له‌ به‌ياننامه‌يگ ئه‌را(شه‌فه‌ق نيوز)وت: سوو يه‌كشه‌ممه‌ وه‌ سه‌ردانيگ فه‌رمى شانديگ له‌ وزاره‌ت خارجه‌ى عراقى ئه‌كه‌فێده‌ ڕى ئه‌را شانشين عه‌ره‌بى سعودى له‌وه‌ر تاوتوێكردن چه‌ن مه‌سه‌له‌يگ گرينگيدار هاوبه‌ش.

 

جى باسه‌، ئه‌حمه‌د جه‌مال قسه‌كه‌ر وه‌ناو وزاره‌ته‌گه‌ وت: ئى شاند عراقيه‌ وه‌ سه‌رۆكايه‌تى نزار ئه‌لخه‌يروڵڵا بريكار كويه‌نتر وزاره‌ته‌گه‌ وه‌ل لايه‌ن سعودى باس له‌ روێداگه‌يل سياسى و چه‌ن  دوسيه‌ى تاسيه‌تيگ ئه‌كا وه‌ په‌ره‌داين په‌يوه‌نديه‌يل دولايه‌نه‌ى ناونى هه‌ردوگ وڵات و بيجگه‌ باسكردن چه‌ن مه‌سه‌له‌يگ تر له‌وانه‌يش كيشه‌يل ده‌روازه‌يل مه‌رزى و ئاڵشت وئوڵشت بازرگانى.