هه‌يشت گام ئه‌را دامه‌زرانن حكومه‌ت ئاينده‌ى عراقى
هــــه‌واڵ عــیراق
هه‌يشت گام ئه‌را دامه‌زرانن حكومه‌ت ئاينده‌ى عراقى
شه‌فه‌ق نيوز/ شه‌ممه‌ى گوزه‌يشت عراقيه‌يل له يه‌كه‌مين هه‌ڵوژاردن له‌شوون راوناين ريكخرياگ داعش ده‌نگ خوه‌يان دان، ك يه‌يش شايه‌ت كاريگه‌رى داشتوود له‌بان هاوسه‌نگى هيزه‌يل له خوه‌رهه‌ڵات ناوين.
له‌يرا هه‌يش خاڵ هه‌س ئه‌را چوينێتى دامه‌زرانن حكومه‌ت وه گووره‌ى ده‌ستوور عراقى ك مووڵه‌ت 90 رووژ ئه‌ياد ئه‌را پرووسه‌گه:
* كۆمسيۆن باڵاى سه‌روه‌خوه‌ى هه‌ڵوژاردنه‌يل ئاشكراى ئاكامه‌يل كووتايى بكا.
* فوئاد مه‌عسوم سه‌رۆك كۆمار داواى په‌رله‌مان تازه بكا ئه‌را دانيشتن له ماوه‌ى 15 رووژ له‌شوون ئاشكراكردن ئاكامه‌يل.
* بڕيارده‌ره‌يل سه‌رۆك په‌رله‌مان وجيگره‌يلى هه‌ڵوژنن وه زوورم ده‌نگه‌يل له يه‌كه‌م دانيشتن.
* په‌رله‌مان سه‌رۆك تازه وه سێكوتى ده‌نگه‌يل هه‌ڵوژنێد له‌ماوه‌ى 30 رووژ دوياى سازكردن يه‌كه‌م دانيشتن.
* سه‌رۆك تازه‌ى گه‌وراترين فراكسيۆن له په‌رله‌مان بسپاريه‌ێد ئه‌را دامه‌زرانن حكومه‌ت.
* سه‌رۆك وه‌زيره‌يل 30 رووژ ديرێد ئه‌را دامه‌زرانن حكومه‌ت و نمايشكردنى له په‌رلمان ئه‌را په‌سه‌نكردنى.
* بايه‌سه له‌بان په‌رله‌مان به‌رنامه‌يل حكومه‌ت په‌سه‌ن بكا و هه‌ر وه‌زيريگ وه ته‌نيا له ده‌نگداين جيا وه زوورمينه‌ى ده‌نگ.
ئه‌گه‌ر سه‌رۆك وه‌زيره‌يل شكه‌ست هاورد له‌ماوه‌ى 30 ئه‌را دامه‌زرانن حكومه‌ت يا په‌رله‌مان ره‌تيه‌و كرد، له‌ى حاڵه‌ته ئه‌تويه‌نێد كانيديديگ تر بسپارێد ئه‌را دامه‌زرانن حكومه‌ت له ماوه‌ى 15 رووژ.
