هــــه‌واڵ عــیراق
پۆليس عراقى وه‌جبه‌يگ چه‌ك ئاماده‌كرياێ له‌وه‌ر كلكردن ئه‌را عه‌فرين كۆنترۆڵ كرد

پۆليس عراقى وه‌جبه‌يگ چه‌ك ئاماده‌كرياێ له‌وه‌ر كلكردن ئه‌را عه‌فرين كۆنترۆڵ كرد


شه‌فه‌ق نيوز/ ئه‌فسه‌ريگ له‌ پۆليس عراقى، ئاشكراى كۆنترۆڵكردن وه‌جبه‌يگ له‌ چه‌ك ئاماده‌كرياێ كرد له‌ شار موسڵ پايته‌خت ناوچه‌يى پاريزگاى نه‌ينه‌وا وه‌و نيازه‌ ك ره‌ه‌وانه‌ بكريه‌ێد ئه‌را عه‌فرين له‌ كوردستان سوريا له‌وه‌ر پشتگيرى ئه‌و جه‌نگاوه‌ره‌يله‌ ك روێ وه‌ڕوێ هه‌ڵمه‌ته‌يل سه‌ربازى توركى بوينه‌سه‌و.

 

ئه‌و ئه‌فسه‌ره‌ ئه‌را شه‌فه‌ق نيوز وت: ئه‌و وه‌جبه‌ى چه‌كه‌ ك دويه‌كه‌ كۆنترۆڵ كرياگه‌ له‌ ده‌يشت موسڵه‌و هاتگه‌و ئاماده‌ كرياگه‌ تا كلبكريه‌ێد ئه‌را هيزه‌يل پاسه‌وان ملله‌ت كورد له‌ناو خاكه‌يل سورى وه‌تايبه‌ت عه‌فرين.

 

جى باسه‌، توركيا له‌ سه‌ره‌تاى ساڵ 2018 ده‌سكرده‌ ئه‌نجامداين هه‌ڵمه‌ت سه‌ربازى وه‌ناو چڵه‌زه‌يتون و تائيسه‌يش هه‌ر وه‌رده‌وامه‌.