هــــه‌واڵ كــوردى
دوياى ئاشكراكردن ئه‌نجامه‌يل.. بارزانى به‌ياننامه‌يگ ئه‌را ملله‌ت كوردستان ده‌ركرد

دوياى ئاشكراكردن ئه‌نجامه‌يل.. بارزانى به‌ياننامه‌يگ ئه‌را ملله‌ت كوردستان ده‌ركرد


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، پيرووزبايى له‌ ملله‌ت هه‌رێم و فراكسيۆنه‌يل سياسى به‌شدار له‌ هه‌ڵوژاردنه‌يل كرد وه‌ بوونه‌ى سه‌ركه‌فتن پرووسه‌گه‌ ك حزبه‌گه‌ى له‌نواى گشت حزبه‌يله‌و بوێ له‌ ئه‌نجام ئه‌و هه‌ڵوژاردنه‌ وه‌ ريژه‌ى فريه‌يگه‌و له‌بان نزيكترين ركابه‌ره‌يلێ.

 

بارزانى له‌ به‌ياننامه‌يگ وت: سه‌ركه‌فتن پرووسه‌ى هه‌ڵوژاردن سه‌ركه‌فتنه‌ ئه‌را گشت ملله‌ت كوردستان و هوشيارى سياسى مه‌ردم پيشخه‌ێد و كاريگه‌رييش له‌بان به‌رزتربوين پايه‌و ناودارى هه‌رێم كوردستان ديرێد.

 

بارزانى داوا له‌ خه‌ڵك كوردستان و وه‌تايبه‌ت جه‌ماوه‌ر حزبه‌گه‌ێ كرد پابه‌ند بوون وه‌ بنه‌مايه‌يل ياسا له‌ ده‌رخستن خوه‌شى و مقه‌يه‌تى خوه‌يان بكه‌ن له‌ ته‌قه‌كردن و كرده‌ى ناشارستانى.